ᐱᓇᓱᒐᑦᓭᑦ

ᐱᓇᓱᒐᕐᑖᕋᓱᐊᕆᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓂ

ᐃᓚᐅᒍᓐᓇᑐᑎᑦ ᓄᓇᓕᓕᒫᑦᑎᒍᑦ ᐱᕈᕐᐸᓕᐊᑎᑦᓯᓂᑦᑎᓄᑦ!

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᑲᑎᕕᐅᑉ ᓄᓇᖁᑎᖓᑕ ᐱᕈᕐᐸᓕᐊᑎᑕᐅᓂᖓᓂᒃ ᐱᓇᓱᐊᖃᑎᐅᓲᖑᕗᑦ ᐃᓱᒫᓗᒋᔭᖃᑦᓯᐊᓱᑎᓪᓗ ᑲᒪᒋᔭᖃᕆᐊᖃᕐᓂᒥᓂᒃ ᐃᓄᐃᑦ ᐃᓗᕐᖁᓯᖓᓂᒃ, ᐱᕐᖁᓯᖓᓂᒃ ᐅᖃᐅᓯᖓᓂᓪᓗ ᐱᓇᓚᓱᐊᕐᑕᖃᕐᒥᓱᑎᒃ. “ᐱᓇᓱᐊᕐᓂᒧᑦ ᒪᓕᒉᑦ” ᒪᓕᒉᓪᓗ ᑐᖕᖓᕕᒋᑦᓱᒋᑦ ᑲᑎᕕᐅᑉ ᓄᓇᖁᑎᖓᓂ ᐃᒻᒥᓂᕿᒍᓐᓇᓯᐊᖁᑦᓱᒋᑦ ᐃᑲᔪᕐᓯᓗᑎᓪᓗ ᐱᓇᓱᐊᕐᕕᐅᔫᑉ ᐱᕙᓪᓕᐊᓂᖓᓂᒃ.

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᑐᖕᖓᕕᖃᕐᑐᑦ ᐱᓇᓱᑦᑎᒥᑕ ᐱᓇᓱᐊᕐᓂᖓᓂᒃ. ᐱᒐᓱᐊᑦᓯᐊᓂᖅ, ᑲᑐᑦᔨᖃᑎᒌᑦᓯᐊᓂᖅ, ᐱᓇᓱᐊᕐᕕᖃᕐᓂᖅ ᐱᓇᓱᑦᑎᖃᕐᓂᓗ ᐱᒍᓐᓇᓯᒐᓱᐊᕐᑕᑎᓐᓄᑦ ᑎᑭᐅᑎᒍᑎᐅᒐᓱᐊᕐᐳᑦ ᐊᑦᑕᑐᐊᖃᕐᑐᑦ ᐃᓅᓯᖏᑦ ᐱᕙᓪᓕᑕᐅᑦᓯᐊᖁᓪᓗᒋᑦ.

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᑲᒪᒋᔭᖃᕐᑐᑦ ᐃᓄᐃᑦ ᐃᓪᓗᖁᑎᖏᓐᓂᒃ ᐃᖏᕐᕋᑎᑕᐅᓂᖏᓐᓂᓗ ᑲᑎᕕᐅᑉ ᓄᓇᖁᑎᖓᓂ ᐱᒍᓐᓇᓯᐊᕐᑐᓂᒃ ᐱᓇᓱᑦᑎᖃᕈᒪᕗᖅ.

ᐱᓇᓱᒐᕆᒍᒪᔭᕐᓃᒃ ᓇᕝᕚᓯᒪᕕᑦ ? ᐱᒍᓐᓇᐅᑎᒋᔭᐅᒋᐊᓕᓐᓃᒃ ᐱᒍᓐᓇᐅᑎᖃᕐᕿᑦ ? ᐅᕝᕙᓘ ᐱᓇᓱᑦᑐᓴᓄᑦ ᐃᓚᐅᒍᒪᕕᑦ ? ᐱᓇᓱᒐᕐᑖᕋᓱᐊᕈᑎᑎᓐᓂᒃ ᑎᑭᑎᑦᓯᒍᓐᓇᑐᑎᑦ: