ᐃᓪᓗᒥᒃ ᐊᑦᑕᑐᕈᑏᑦ ᒪᓕᒉᓪᓗ

ᐊᑦᑕᑐᕈᑎᒃ ᐊᖏᖃᑎᒌᒍᑎᐅᔪᖅ ᐊᑦᑕᑐᐊᖃᕐᑐᒧᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᓪᓗ, ᑐᑭᓯᓇᕈᑎᓕᒫᓂᒃ ᐃᓗᓕᖃᕐᓱᓂ ᐃᓪᓗᓕᕆᓂᕐᒥᒃ, ᐱᒍᓐᓇᐅᑎᓂᒃ ᐊᑦᑕᑐᐊᖃᕐᑑᓗ ᑲᒪᒋᒋᐊᓕᖏᓐᓂᒃ.

ᐊᑦᑕᑐᕈᑎᒃ ᐊᑐᕐᑕᐅᓲᖅ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ ᐊᖏᕐᑕᐅᓯᒪᔪᖅ ᑯᐯᑉ ᑲᕙᒪᖓᓄᑦ ᐃᓪᓗᖃᕐᑎᓯᓂᕐᒧᑦ ᑭᓯᐊᓂ ᓄᓇᕕᒻᒥᐅᓅᓕᖓᑦᓱᓂ. ᐊᑦᑕᑐᕈᑎᒃ ᐊᕐᕌᒍᓕᒫᒨᓕᖓᓲᖅ ᔪᓓ 1-ᒥᑦ ᔫᓂ 30-ᒧᑦ. ᐊᑦᑕᑐᕈᑎᒃ ᐊᑎᓕᐅᕐᑕᐅᒍᓂ ᔪᓓ 1-ᒥ ᐃᓱᓕᕝᕕᖃᖏᓐᓇᕋᔭᕐᑐᖅ ᔫᓂ 30-ᒥᒃ.


ᐊᑦᑕᑐᐊᕈᑎᐅᑉ ᓄᑕᐅᓯᓕᕐᑕᐅᓂᖓ

ᐊᑦᑕᑐᕈᑎᐅᑉ ᓄᑕᐅᓯᓕᕐᑕᐅᒍᑎᑦᓴᖏᑦ ᐊᓪᓚᓯᒪᔫᑎᓪᓗᒋᑦ ᐊᐅᓪᓚᑎᑕᐅᓲᑦ ᒫᑦᔨ 31 ᓯᕗᓂᖓᒍᑦ ᐊᕐᕌᒍᑕᒫᑦ.


ᐊᑦᑕᑐᕈᑎᐅᑉ ᐃᓱᓕᑎᑕᐅᓂᖓ

ᐊᑦᑕᑐᐊᖃᕐᑐᖅ ᐊᑦᑕᑐᕈᑎᒥᓂᒃ ᐃᓱᓕᑎᑦᓯᒍᒪᒍᓂ ᐃᓪᓗᓕᕆᔨᒃᑯᑦ ᑲᒪᔨᒻᒪᕆᖓᓂᒃ ᖃᐅᔨᒪᑎᑦᓯᒋᐊᖃᕐᑐᖅ, ᑕᑕᕐᓴᒐᕐᓂᓗ ᐊᑎᓕᐅᕐᓗᓂ ᐃᓪᓗᒥᓂᓪᓗ ᕿᒪᑦᑕᒥᓂᒃ ᖃᓄᐃᖕᖏᑐᑦᓯᐊᖑᑎᓪᓗᒍ ᕿᒣᓗᓂ.


ᐊᑦᑕᑐᕈᑎᐅᑉ ᓯᕕᑐᓂᖓ

ᐊᑦᑕᑐᕈᑎᒥᒃ ᐊᑎᓕᐅᕐᓯᒪᔪᖅ, ᒪᓕᓐᓂᐊᓂᕋᕐᓯᒪᔪᖅ ᐊᑦᑕᑐᕈᑎᒥᑕ ᒪᓕᒐᖏᓐᓂᒃ ᑕᕐᕿᑕᒫᕐᓗ ᐊᑭᓕᕐᑐᐃᓂᐊᕐᓂᕋᕐᓱᓂ.


ᐊᑦᑕᑐᕈᑎᒥᓂᒃ ᑭᖑᕃᑦᓱᓂ ᐊᑭᓖᓂᖅ

ᐃᓱᓕᑎᑕᐅᓂᖅ, ᐊᑦᑕᑐᕈᑎᐅᑉ ᓄᑦᑎᑕᐅᓂᖓ ᐊᑦᑕᑐᕐᑕᐅᑎᑦᓯᓂᕐᓗᓃᑦ ᐊᑦᑕᑐᕈᑎᒥᓂᒃ ᐊᑭᓖᓂᕐᒧᑦ ᑭᖑᕃᓂᕃᒍᑎᐅᒍᓐᓇᖏᑦᑐᑦ.