ᒥᑦᓵᓄᑦ

ᐱᐅᔪᐃᑦ ᐃᓪᓗᐃᑦ ᑐᖕᖓᕕᐅᕗᑦ ᐃᓅᖃᑎᒌᓐᓂᒧᑦ ᐊᒻᒪᓗ ᑮᓇᐅᔭᑎᒍᑦ ᐱᕙᓪᓕᐊᓂᕐᒧᑦ ᓄᓇᕕᒻᒥ ᐊᒻᒪᓗ ᖃᓄᐃᖕᖏᓯᐊᕐᓇᓂᕐᓴᒧᑦ ᐃᓅᓯᕐᒧᑦ.

ᑐᕌᒐᕗᑦ ᐱᑕᖃᕐᑎᓯᓂᖅ ᐃᓱᕐᕆᓇᕐᑐᓂᒃ, ᐊᑦᑕᓇᕐᑐᒦᓐᓇᖏᑦᑐᓂᒃ ᐊᒻᒪᓗ ᐊᑭᑐᓗᐊᖕᖏᑐᓂᒃ ᐃᓪᓗᓂᒃ ᐃᓄᑐᐃᓐᓀᑦ ᑭᖕᖒᒪᒋᔭᖏᓐᓄᑦ ᐊᒻᒪᓗ ᐃᓪᓗᕐᖁᓯᖏᓐᓅᓕᕐᑎᓯᒪᔪᓂᒃ. ᐱᓇᓱᐊᕐᓂᑎᒍᑦ ᐱᒍᑦᔨᓂᑦᑎᒍᓪᓗ, ᑐᕌᕐᑕᖃᕐᖁᒍᑦ ᐃᑲᔪᕐᓯᓂᕐᒥᒃ ᐱᕙᓪᓕᐊᓂᖏᓐᓂᒃ ᕿᑦᑌᖓᔪᑦ, ᐊᑯᓃᕈᓐᓇᑐᑦ ᐊᒻᒪᓗ ᐊᑦᑕᓇᕐᑐᒦᓐᓇᖏᑦᑐᑦ ᓄᓇᓖᑦ.

ᐱᓇᓱᖃᑎᒌᑦᑐᖁᑎᕗᑦ

ᐊᒥᓱᐊᓘᑦᓱᑕ ᐃᓚᒌᒃᑯᒍᑦ ᑲᒪᒋᐅᑎᑦᓯᐊᕆᐊᖃᕐᓱᑕ. ᐱᓇᓱᖃᑎᒌᑦᓱᑕ 225-ᒐᓓᓪᓗ ᐱᓇᓱᑦᑏᑦ (80% ᐃᓄᑐᐃᓐᓀᑦ) ᐱᓇᓱᑦᑐᑦ 14-ᓂ ᐊᓪᓚᕕᓐᓂ, ᐊᖑᒪᑦᓯᒍᓐᓇᖁᒍᑦ ᑭᖕᖒᒪᒋᔭᖏᓐᓂᒃ ᐃᓪᓗᓂᒃ ᐊᑦᑕᑐᕐᑐᖁᑎᑦᑕ.

ᐃᓪᓗᖁᑎᕗᑦ

ᐃᓪᓗᖁᑎᕗᑦ 3550 ᐃᓪᓗᐃᑦ ᐃᕐᐹᑎᕐᓯᒪᔪᑦ 14-ᓂ ᓄᓇᓕᓐᓂ ᓄᓇᕕᒻᒥ. ᐃᓪᓗᖃᕐᑎᓯᔪᒍᑦ 98%-ᖏᓐᓂᒃ ᓄᓇᕕᒻᒥᐅᑦ, ᑲᑎᑦᓱᑎᒃ 14,000 ᒥᑦᓵᓃᑦᑐᑦ ᐃᓄᐃᑦ. ᐃᓪᓗᖃᕐᑎᓯᓂᖅ ᓂᐊᖁᕐᐱᑦ ᖁᓛᒍᑦ ᖁᓛᖃᕐᑎᓯᓂᑐᐃᓐᓇᐅᖏᑦᑐᖅ. ᐊᓂᕐᕋᕈᕐᑎᓯᓂᐅᒻᒥᔪᖅ ᐃᓂᒥᒃ ᐃᓄᐃᑦ ᐊᓕᐊᒋᓗᒍ ᐃᓅᕕᒋᒍᓐᓇᑕᖓᓂᒃ.

ᑐᓂᒪᓂᕗᑦ ᓄᓇᓕᒻᒧᑦ ᐱᒻᒪᕆᐊᓗᒃ.

ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᑎᒥᖕᖑᑎᑕᐅᔪᕕᓂᖅ 1999-ᒥ. ᐱᓇᓱᐊᖃᑎᒥᓂᒃ ᐃᓚᖃᕐᓱᓂ, ᐃᑲᔪᕐᓯᓯᒪᔪᖅ ᐊᕐᕌᒍᓂ ᖄᖏᕐᑐᓂ ᐱᕙᓪᓕᐊᓂᖓᓄᑦ ᐅᑭᐅᕐᑕᑐᒥ ᐃᓪᓗᖃᕐᓂᐅᑉ ᓄᓇᕕᒻᒥ. ᐅᓪᓗᒥ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᑭᒃᒐᑐᕐᑎᐅᕗᖅ ᑯᐯᒃ ᐃᓪᓗᓕᕆᔨᕐᔪᐊᑯᖏᓐᓄᑦ ᑲᒪᒋᔭᐅᑦᓯᐊᖁᓗᒋᑦ ᐃᓄᐃᑦ ᐃᓪᓗᖏᑦ ᐊᒻᒪᓗ ᓱᒃᑯᑎᑦᓯᑌᓕᓂᕐᒧᑦ ᓴᓇᔭᐅᑦᓯᐊᖃᑦᑕᖁᓗᒋᑦ.

ᐃᓪᓕᕆᔭᕗᑦ

ᐅᕙᒍᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒥ ᐅᑉᐱᕆᔭᖃᕐᖁᒍᑦ ᐱᓇᓱᐊᒻᒪᕆᓐᓂᒥᒃ, ᑭᓯᐊᓂᓕ ᐃᓪᓕᓇᕐᑐᓂᒐᓴᒃ ᑐᖕᖓᕕᖃᓪᓚᕆᑦᑐᓂᒃ ᐅᓪᓗᑕᒫᑦ ᐃᓅᓯᑦᑎᓂᒃ ᐊᒻᒪᓗ ᑐᑭᑖᓕᒫᕗᑦᑕ ᑐᖕᖓᕕᒋᑦᓱᒋᑦ, ᑕᑯᓐᓇᑕᖃᑦᓯᐊᓱᓂ ᓯᕗᓂᑦᓴᑎᓐᓂᒃ:

❶
ᐱᓇᓱᖃᑎᒌᓐᓂᖅ - ᐱᓇᓱᖃᑎᒌᑦ, ᐱᒍᑦᔨᕖᑦ ᑎᒥᐅᔪᐃᓪᓘᓃᑦ ᐊᑯᓐᓂᖓᒎᑉᐸᑦ, ᑲᑐᑦᔨᓱᑕ ᐱᓇᓱᖃᑎᒌᓲᖑᕗᒍᑦ!

❷
ᐊᑕᖐᑦᓯᐊᓂᖅ - ᑐᓂᒪᑦᓯᐊᓂᖅ ᐱᓇᓱᒐᕐᒧᑦ ᐊᒻᒪᓗ ᐱᔭᕇᑦᓯᐊᖃᑦᑕᓂᖅ ᐱᓇᓱᐊᕐᑕᒥᓂᒃ!

❸
ᑲᑐᑦᔨᖃᑎᒌᑦᓯᐊᓂᖅ - ᐱᑦᔪᑎᒋᑦᓱᒍ ᑲᑐᑦᔨᓱᑕ, ᓲᖑᓂᕐᓴᐅᒐᑦᑕ ᐊᒻᒪᓗ ᑲᔪᓯᒍᓐᓇᓱᑕ!

❹
ᓲᓱᑦᓴᓯᐊᕐᓂᖅ - ᖁᕕᐊᓲᑎᖃᕐᓂᖅ ᐊᑦᔨᒌᖕᖏᓂᖏᓐᓂᒃ ᐃᓪᓕᓇᕐᑐᑦ ᐊᒻᒪᓗ ᐃᓪᓗᓂᒃ ᐊᑦᑕᑐᕐᑐᖁᑎᑦᑕ ᑭᖕᖒᒪᒋᔭᖏᓐᓂᒃ ᐱᓇᓱᑦᑎᑕᓗ!

ᓯᕗᓂᑦᓴᕗᑦ

ᑐᕌᒐᕗᑦ ᐃᓕᑕᕆᔭᐅᓂᖅ ᓄᑖᓂᒃ ᐊᒻᒪᓗ ᑲᔪᓯᒍᓐᓇᑐᓂᒃ ᐃᓪᓗᖃᕐᓂᒥ ᐋᕐᕿᒍᑎᓂᒃ ᐊᑐᓲᖑᓂᕗᓐᓄᑦ ᓄᓇᕕᒻᒥ ᐊᒻᒪᓗ ᓯᕗᒧᐊᑉᐸᓕᐊᓂᕐᒥᒃ ᐃᓱᒪᓲᖑᓗᑕ, ᐱᒍᑦᔨᔭᑦᑎᓂᒃ ᐱᒍᑦᔨᓂᕐᒥᒃ ᑐᖕᖓᕕᖃᕐᓗᑕ ᑎᒥᐅᔫᓗᑕ 2030-ᒥ.

ᐊᐅᓚᑦᓯᔩᑦ

ᐹᑦᕆᒃ ᒥᕌᓐ	ᑲᒪᔨᒻᒪᕆᒃ
ᒫᑯ ᐆᑎᐊᑦ	ᑲᒪᔨᒻᒪᕆᐅᑉ ᑐᖓᓕᖓ ᐊᒻᒪᓗ ᑐᑭᒧᐊᑦᑎᓯᔨ ᐱᓇᓱᑦᑎᓕᕆᕕᒻᒥ
ᒪᕆ-ᑯᕆᔅᑏᓐ ᕚᓂᐁ	ᑐᑭᒧᐊᑦᑎᓯᔨ ᑐᓴᐅᒪᖃᑦᑕᐅᑎᓂᓕᕆᕕᒻᒥ ᐊᒻᒪᓗ ᖃᓄᕐᑑᕈᑎᑦᓴᓄᑦ ᐱᓂᐊᕐᓂᓕᕆᓂᕐᒧᓗ ᐃᒫᙰᕐᑎ
ᒣᑯ ᐊᒃᐳᐊ	ᑐᑭᒧᐊᑦᑎᓯᔨ ᑮᓇᐅᔭᓕᕆᕕᒻᒥ
ᔮᓐ-ᑎᓃ ᐸᕌᓐᑦ	ᑐᑭᒧᐊᑦᑎᓯᔨ ᐱᒍᑦᕕᔨᓂᓕᕆᕕᒻᒥ
ᔨᐊᓂᕗ ᓚᐹᔾ	ᐱᒍᑦᔨᓂᓕᕆᕕᒻᒥ ᑐᑭᒧᐊᑦᑎᓯᔨᐅᑉ ᑐᖓᓕᖓ
ᐃᕆᒃ ᓭᒻᐳᓚᓐ	ᑐᑭᒧᐊᑦᑎᓯᔨ ᓂᐅᕕᕋᕐᓂᓕᕆᕕᒻᒥ
X	ᑐᑭᒧᐊᑦᑎᓯᔨ ᓱᒃᑯᑎᑦᓯᑌᓕᓂᓕᕆᕕᒻᒥ
ᐱᓕᑉ ᐴᓭ	ᑐᑭᒧᐊᑦᑎᓯᔨ ᐃᖏᕐᕋᑎᑦᓯᓂᕐᓂᒃ (ᓱᒃᑯᑎᑦᓯᑌᓕᓂᓕᕆᕕᒃ)
ᕌᕓᐋᓪ ᑎᒃᓯᐁ	ᐃᓪᓗᓂᒃ ᓂᐅᕕᐊᑦᓴᖃᕐᓂᒥᒃ/ ᓄᑕᐅᓯᓕᕐᑎᕆᓂᒻᒪᕆᓐᓂᒃ ᖃᐅᔨᒪᔪᒻᒪᕆᒃ