2020-ᒥ, 73%-ᖏᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᐃᓪᓗᓂᒃ ᐊᑦᑕᑐᕐᑐᖁᑎᖏᑦ ᐱᕙᓪᓕᖁᑎᑖᕐᓯᒪᒻᒪᑕ ᐃᓪᓗᒥᒃ ᐊᑦᑕᑑᑎᓄᑦ ᐊᑭᑭᓪᓕᒋᐊᕈᑎᒥᒃ. ᐃᕝᕕᐅᒍᓐᓇᑐᐃᓐᓇᕆᐊᓕᒃ! ᐁᑦᑐᐃᒋᐊᖃᑐᐃᓐᓇᑐᑎᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒥᒃ ᖃᒻᒥᐅᓂᕐᐸᒥᒃ ᑖᒃᓯᐱᑦ ᖃᓄᐃᓕᖓᓂᖏᓐᓂᒃ ᖃᐅᔨᑎᑦᓯᒍᑎᒥᒃ. ᓂᕆᐅᖕᖏᓛᕐᖁᔭᐅᒍᓐᓇᑐᑎᑦ!

ᑭᓇᒃᑰᑦ ᐱᒐᓱᐊᕈᓐᓇᖃᑦ ᐃᓪᓗᒥᒃ ᐊᑦᑕᑑᑎᓄᑦ ᐊᑭᑭᓪᓕᒋᐊᕈᑎᒥᒃ?

ᐃᓪᓗᒥᒃ ᐊᑦᑕᑑᑎᓄᑦ ᐊᑭᑭᓪᓕᒋᐊᕈᑏᑦ ᑲᓱᕐᑎᑕᐅᓲᑦ ᑐᖕᖓᕕᒋᑦᓱᒋᑦ ᐃᓪᓗᒥᐅᖃᑎᒌᑦ ᖃᓄᐃᓕᖓᓂᖏᑦ ᐊᒻᒪᓗ ᑮᓇᐅᑦᔭᓵᖏᑦ. ᑖᓐᓇ ᐃᑲᔪᕐᓯᒍᑎ ᑐᕌᕐᑕᓕᒃ ᐱᑕᖃᕐᑎᓯᓂᕐᒥᒃ ᐃᓄᑐᖃᕐᓄᑦ, ᓂᕿᑖᕈᑎᑖᕐᑕᑐᓄᑦ ᐊᒻᒪᓗ ᐃᓄᓐᓄᑦ ᐱᐊᕋᓕᓐᓄᑦ ᐅᕝᕙᓘᓐᓃᑦ ᐊᓯᖏᓐᓂᒃ ᒥᓇᐅᒥᑦᓯᔪᓂᒃ, ᐱᕕᑦᓴᖅ ᐱᕙᓪᓕᖁᑎᖃᕐᓂᒥᒃ ᐊᑭᑭᓪᓕᒋᐊᕈᑎᒥᒃ ᒪᓕᓪᓗᒍ ᖃᓄᐃᓕᖓᔪᒦᓐᓂᖓ. 

ᐱᒐᓱᐊᓚᐅᕐᓯᒪᖕᖏᑐᐊᕈᕕᑦ ᐊᒻᒪᓗ/ᐅᕝᕙᓘᓐᓃᑦ ᐃᓪᓗᒥᐅᖃᑎᒌᓐᓂᓯ ᐊᒻᒪᓗ ᑮᓇᐅᑦᔭᓵᓯ ᐊᓯᑦᔨᓂᕐᐸᑕ, ᐆᑦᑑᑐᑦᓴᐅᕗᑎᑦ!

ᐱᒐᓱᐊᕈᓯᖅ:

• ᖃᒻᒥᓂᑕᐅᒥᕐᐹᒥᒃ ᑖᒃᓯᐱᑦ ᖃᓄᐃᓕᖓᓂᖏᓐᓂᒃ ᖃᐅᔨᑎᑦᓯᒍᑎᓐᓂᒃ (NOA) ᑯᐯᒃ ᑲᕙᒪᖓᓂᑦ ᐱᒐᓱᐊᕐᓗᑎᑦ ᐅᖄᓚᓗᑎᑦ ᐅᕗᖓ 1-800-267-6299 (ᖃᐅᔨᒋᐊᕐᓗᒍ ᐃᕐᙯᑎᑦᓯᒍᑎ ᑯᐯᒃ ᑖᒃᓯᓕᕆᔨᒃᑯᖏᓐᓂᒥᐅᔭᖅ ᑖᒃᓯᑎᓐᓂᒃ ᖃᓄᐃᓕᖓᒻᒪᖔᑕ ᖃᐅᔨᑎᑦᓯᒍᑎᒨᓕᖓᔪᖅ).
• ᐊᑦᔨᖓᓂᒃ ᑖᒃᓯᐱᑦ ᖃᓄᐃᓕᖓᓂᖏᓐᓂᒃ ᖃᐅᔨᑎᑦᓯᒍᑎᑉᐱᑦ (ᒪᑉᐱᒐᓕᒫᑦ), ᐊᒻᒪᓗ ᐁᑉᐸᐱᑦ  ᐁᑉᐸᖃᕈᕕᑦ - ᐃᓪᓗᓕᕆᔨᒃᑯᓯ ᐊᓪᓚᕕᖓᓄᑦ ᐋᑦᓯᓗᑎᑦ.
• ᐃᓪᓗᓕᕆᔨᒃᑯᓯ ᐊᓪᓚᕕᖓ ᖃᐅᔨᒐᓱᐊᓚᖓᔪᖅ ᖃᑦᓯᓄᑦ ᐊᑭᑭᓪᓕᒋᐊᕈᓐᓇᒪᖔᕐᐱᑦ.
• ᐊᑭᑭᓪᓕᒋᐊᕈᓐᓇᕈᕕᑦ, ᐊᑭᑭᓪᓕᒋᐊᕈᑎ ᐋᕐᕿᑕᐅᓚᖓᔪᖅ ᐃᓪᓗᒥᒃ ᐊᑦᑕᑑᑎᑎᓐᓄᑦ. 

ᐃᕐᙯᑎᑦᓯᒍᑎ: ᐊᕐᕌᒍᑕᒫᑦ, ᔪᓓ 1-ᒥᑦ, ᐃᓪᓗᒥᒃ ᐊᑦᑕᑑᑎᑦ ᐊᑭᖏᑦ ᓄᑖᑦ ᐊᕐᕿᑕᐅᓲᑦ. ᑌᑲᓂ, ᑎᑭᑕᐅᑦᓴᑐᐊᕈᕕᑦ ᑖᒃᓯᐱᑦ ᖃᓄᐃᓕᖓᓂᖏᓐᓂᒃ ᖃᐅᔨᑎᑦᓯᒍᑎᒥᒃ, ᐱᒻᒪᕆᐅᕗᖅ ᓄᑕᐅᓯᓖᒍᕕᑦ ᐊᑭᑭᓪᓕᒋᐊᕈᑎᑖᕋᓱᐊᕈᑎᑉᐱᑦ ᐋᕐᕿᒋᐊᕐᑕᐅᓂᖏᓐᓂᒃ.

ᖃᐅᔨᒋᐊᑦᓯᐊᕈᒪᒍᕕᑦ:

ᐊᐱᕐᓲᑎᑦᓴᖃᕈᕕᑦ ᐅᕝᕙᓘᓐᓃᑦ ᐃᑲᔪᕐᑕᐅᒍᒪᒍᕕᑦ ᐊᑭᑭᓪᓕᒋᐊᕈᑎᑖᕋᓱᓐᓂᒥ, ᐊᐱᕆᒍᒃ ᐃᓪᓗᓕᕆᔨᒃᑯᓯ ᑲᒪᔨᒻᒪᕆᖓ ᐅᕝᕙᓘᓐᓃᑦ ᐅᖄᓚᓗᑎᑦ ᐅᕙᑦᑎᓄᑦ ᐊᑭᖃᖕᖏᑐᒧᑦ ᐅᕗᖓ: 1-833-229-2008. 

ᓄᑖᖅ: Facebook-ᖃᓕᕐᑐᖅ ᓄᓇᓕᑦᓯᓂ ᐃᓪᓗᓕᕆᔨᒃᑯᑦ ᐊᓪᓚᕕᖓ!  KMHB - [ᓄᓇᓕᑉᐱᑦ ᐊᑎᖓ] 

ᐊᓪᓚᕕᒋᑎᒍᑦ ᐊᒻᒪᓗ ᑭᐅᓚᖓᕗᒍᑦ ᐊᐱᕐᓲᑎᓕᒫᑎᓐᓂᒃ!