ᖃᐅᔨᒪᕖᑦ? 3 ᑎᒥᐅᔪᐃᑦ ᐱᓇᓱᐊᕆᐊᖃᕐᒪᑕ ᐃᓪᓗᓕᐅᕐᑐᖃᓚᖓᑉᐸᑦ ᐃᓄᐃᑦ ᐃᓪᓗᓴᖏᓐᓂᒃ ᓄᓇᕕᒻᒥ

 

07 Cover Application renewal EN

ᐃᓪᓗᓂᒃ ᐊᑐᐃᓐᓇᖃᕐᓂᖅ ᑐᖕᖓᕕᐅᒻᒪᑦ ᐃᓪᓗᓂᒃ ᐊᑦᑕᑐᕐᑐᑦ ᖃᓄᐃᖕᖏᓯᐊᕐᓂᖏᓐᓄᑦ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᑕᑯᓐᓇᑕᖃᓗᐊᖕᖑᐊᑐᖅ ᓇᐅᑐᐃᓐᓇᓂᒃ ᐃᑲᔪᕐᓯᒍᑎᓂᒃ ᐃᑲᔪᕐᓯᓚᖓᔪᓂᒃ ᐃᓪᓗᖁᑎᒥᓂᒃ ᐊᒥᓱᖕᖑᕆᐊᕆᓂᕐᒥ ᐊᒻᒪᓗ ᐱᒍᓐᓇᓯᑎᑦᓯᓗᓂ ᑎᒥᐅᔪᒥᒃ ᐃᓪᓗᑖᕐᑎᓯᒍᓐᓇᓂᕐᒥᒃ ᑌᒃᑯᓂᖓ ᑭᖕᖒᒪᑦᓯᓂᕐᐹᓂᒃ ᓄᓇᓕᓐᓂ ᐊᑐᓂᑦ. 

ᐊᑐᐃᓐᓇᖃᕐᓂᖅ ᐱᒋᐊᓲᖑᕗᖅ ᐃᓪᓗᐃᑦ ᓄᑖᑦ ᓴᓇᔭᐅᓂᖏᓐᓂᑦ. ᐃᓪᓗᓕᐅᕐᓂᒥ, ᒪᑭᕝᕕᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᒻᒪᓗ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᒪᕕᒻᒪᕆᒃ ᑮᓇᐅᔭᖃᕐᑎᓯᑎᓪᓗᒋᒃ ᑕᒪᖏᒃ ᑲᕙᒪᑐᖃᒃᑯᑦ ᐊᒻᒪᓗ ᑯᐯᒃ ᑲᕙᒪᖓ, ᐊᑐᓂᑦ ᐃᑲᔪᕐᓯᓲᖑᕗᑦ ᐱᕙᓪᓕᐊᓂᖓᓂᒃ ᐅᑭᐅᕐᑕᑐᒥ ᐃᓪᓗᖃᕐᓂᐅᑉ ᓄᓇᕕᒻᒥ.

ᐅᑯᐊᑕᒐ ᐱᔭᑦᓴᖏᑦ ᑲᒪᒋᒋᐊᓕᖏᓪᓗ ᐱᖓᓱᑦ ᐱᓇᓱᖃᑎᒌᑦᑐᑦ ᐃᓪᓗᓕᕆᓂᖅ ᐱᑦᔪᑎᒋᑦᓱᒍ:

ᑲᑎᕕᒃ ᓄᓇᓕᓕᒫᑦ ᑲᕙᒪᖓ: ᐊᒃᒍᑐᐃᓂᖅ ᓄᑖᓂᒃ ᐃᓪᓗᓂᒃ ᓄᓇᓕᓐᓄᑦ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᒃᒍᑐᐃᓲᖅ ᓄᑖᓂᒃ ᐃᓪᓗᓕᐅᕐᓂᐅᓛᕐᑐᓂᒃ: ᖃᑦᓯᐅᓂᖏᓐᓂᒃ, ᖃᓄᐃᑦᑑᓂᖏᓐᓂᒃ ᐊᒻᒪᓗ ᓇᓪᓕᖏᓐᓂ ᓄᓇᓕᓐᓂ ᓴᓇᔭᐅᓛᕐᒪᖔᑕ. ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐱᒻᒪᕆᒻᒥᒃ ᐱᔭᑦᓴᖃᕐᒥᔪᖅ ᓄᑖᓂᒃ ᐃᓪᓗᓕᐅᕐᓃᑦ ᐱᒋᐊᕐᓂᖏᓐᓂ: ᐊᕐᖁᑎᓕᐅᕐᓃᑦ ᐊᒻᒪᓗ ᐃᓪᓗᐃᑦ ᐃᓂᑦᓴᖏᓐᓂᒃ ᓴᓇᓃᑦ ᐃᓪᓗᓕᐅᕐᓂᓅᓕᖓᔪᓂᒃ. 

ᒪᑭᕝᕕᒃ: ᐃᓪᓗᓕᐅᕐᓂᖅ ᓄᑖᓂᒃ

ᑮᓇᐅᔦᑦ ᑲᕙᒪᑐᖃᒃᑯᓂᑦ ᑯᐯᒃᓗ ᑲᕙᒪᖓᓂᑦ (ᑯᐯᒃ ᐃᓪᓗᓕᕆᔨᕐᔪᐊᑯᖏᑦ) ᐱᓯᒪᔪᑦ ᐊᑐᕐᓱᒋᑦ, ᐱᓇᓱᐊᖃᑎᕗᑦ ᒪᑭᕝᕕᑯᑦ ᑲᒪᒋᔭᖃᓲᑦ ᐃᓪᓗᓕᐅᕐᓂᒥᒃ ᓄᑖᓂᒃ.

ᖃᐅᔨᒋᐊᑦᓯᐊᑭᑦ ᒪᑭᕝᕕᐅᑉ ᓴᓇᓂᕐᓄᑦ ᐱᑦᔪᔨᕕᖓ.

ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ: ᐊᐅᓚᑦᓯᓂᖅ ᐃᓪᓗᓂᒃ ᓱᒃᑯᑎᑦᓯᑌᓕᓂᕐᒧᓗ ᓴᓇᒋᐊᓪᓛᔭᐅᓂᖏᓐᓂᒃ

ᐃᓚᒋᔭᐅᑎᓪᓗᒍ ᐃᓪᓗᓕᐅᕐᓂᒧᑦ, ᕿᒥᕐᕈᔩᑦ ᑎᓕᔭᐅᒪᔪᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒧᑦ ᐃᓪᓗᐃᑦ ᓴᓇᔭᐅᔪᑦ ᒪᓕᑦᑕᐅᒋᐊᓕᓐᓂᒃ ᒪᓕᑦᓯᐊᒪᖔᑕ ᐃᑉᐱᒍᓱᓲᑦ ᑭᖑᓪᓖᐹᒥ ᐊᖏᕐᑕᐅᖏᓐᓂᖏᓐᓂ. ᓄᑖᑦ ᐃᓪᓗᐃᑦ ᓴᓇᔭᐅᕐᖃᒦᑦ ᑕᒐ ᐊᒥᓱᖕᖑᕆᐊᕐᑎᓯᑦᓱᑎᒃ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᐃᓪᓗᖁᑎᖏᓐᓂᒃ ᐊᒻᒪᓗ ᐊᖏᓕᒋᐊᕆᑦᓱᑎᒃ ᐃᓪᓗᓂᒃ ᐊᑐᐃᓐᓇᖃᕐᓂᒥᒃ ᑕᒃᑰᓇ.

ᑎᒥᐅᔫᑦᓱᓂ ᑲᒪᒋᔭᖃᕐᓱᓂ ᐊᐅᓚᑦᓯᓂᕐᒥᒃ ᐃᓪᓗᓂᒃ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᐊᒃᒍᑐᐃᓲᖅ ᓄᑖᓂᒃ ᐊᓂᕐᕋᓂᒃ ᒪᓕᑦᓱᓂ ᐱᓪᓗᑯᐊᐱᑦᑐᒥᒃ ᐃᓪᓗᑖᕐᑎᓯᓂᕐᒥᒃ ᐊᓱᐃᓛ ᑲᒪᒋᔭᖃᓯᑦᓱᓂ ᓱᒃᑯᑎᑦᓯᑌᓕᓂᕐᒧᑦ ᓴᓇᒋᐊᓪᓛᔭᐅᓂᖏᓐᓂᒃ.


ᐊᐱᕐᓲᑎᑦᓴᖃᕐᖀᑦ? ᐊᓪᓚᕕᒋᑎᒍᑦ Facebook-ᒥ! 


 

ᓯᕗᓪᓕᐅᓱᓂ ᐊᓪᓚᓯᒪᔪᕕᓂᖅᖃᐅᔨᒪᕖᑦ? ᓄᑕᐅᓯᓖᓪᓚᕆᒋᐊᖃᕐᖁᑎᑦ ᐃᓪᓗᑖᕋᓱᐊᕈᑎᓐᓂᒃ ᐊᕐᕌᒍᑕᒫᑦ ᐅᕝᕙᓘᓐᓃᑦ ᐃᓪᓗᒥᐅᖃᑎᒌᓐᓂᓯ ᐊᓯᑦᔨᓴᑐᐊᕐᐸᑦ

 

 

 

819 964-2000

Toll Free: 1-833-229-2008

Kativik Municipal Housing
Bureau

 P.O.Box 1200,
Kuujjuaq, Quebec
J0M 1C0