ᓄᓇᕕᒃ ᐱᕙᓪᓕᐊᒍᑎᖃᓯᕗᖅ ᑐᕌᕐᑐᓂᒃ ᓇᒻᒥᓂ-ᑐᑭᑖᕐᑐᐃᒍᓐᓇᓂᑦᓴᒥᓄᑦ ᖃᐅᔨᓴᕐᓂᐅᔪᑦ ᐊᐅᓚᑕᐅᒍᑎᖏᑎᒍᑦ

ᓄᓇᕕᒃ ᐱᕙᓪᓕᐊᒍᑎᖃᓯᕗᖅ ᑐᕌᕐᑐᓂᒃ ᓇᒻᒥᓂ-ᑐᑭᑖᕐᑐᐃᒍᓐᓇᓂᑦᓴᒥᓄᑦ ᖃᐅᔨᓴᕐᓂᐅᔪᑦ ᐊᐅᓚᑕᐅᒍᑎᖏᑎᒍᑦ.pdf

image press release 20220705

ᐊᕐᕌᒍᓂ ᐊᒥᓱᓂ ᐸᕐᓇᑕᐅᓂᖃᓚᐅᕐᓱᓂ ᐊᒻᒪᓗ ᓄᓇᓕᓕᒫᓂᒃ ᑐᑭᓯᓂᐊᕈᑎᐅᓂᖃᓚᐅᕐᓱᓂ, ᓄᓇᕕᐅᑉ ᐱᓇᓱᒐᖃᕐᕕᖁᑎᖏᑦ ᐊᖏᕐᐳᑦ ᐃᓂᓪᓚᑕᐅᓂᑦᓴᖓᓂᒃ ᓄᑖᑉ ᖃᐅᔨᓴᕐᓂᓂᒃ ᐊᐅᓚᑦᓯᕕᐅᓗᓂ ᐱᓇᓱᒐᖃᕐᕕᖁᑎᐅᓂᐊᕐᑐᒥᒃ ᓄᓇᖁᑕᐅᔪᒥ

ᑐᓴᕋᑦᓴᓂᐅᑎᑎᒍᑦ ᑐᓴᕐᑕᐅᑎᑦᓯᒍᑏᑦ

ᑰᒃᔪᐊᖅ, ᔪᓚᐃ 5 – ᐃᓕᑕᕆᔭᐅᓂᓕᓐᓄᑦ ᐱᓇᓱᒐᖃᕐᕕᓄᑦ ᓴᐳᑦᔭᐅᒪᑦᓱᓂ, ᐃᓚᐅᕙᑦᑐᓄᑦ ᖃᐅᔨᓴᕐᓂᓄᑦ ᓄᓇᕕᒻᒥ ᐊᒻᒪᓗ ᓄᓇᕕᐅᑉ ᑕᕆᐅᖁᑎᖓᑕ ᓄᓇᖁᑎᖏᓐᓂ, ᑌᒣᓕᖓᑦᓱᓂ ᓄᓇᕕᒃ ᐃᓕᑕᕆᔭᐅᓂᓕᒻᒥᒃ ᐊᑑᑎᔭᖃᓯᓚᐅᕐᖁᖅ ᐃᓂᓪᓓᓂᖃᕐᓂᒥᒃ ᐱᓇᓱᓯᑦᓱᓂ ᐱᓇᓱᒐᖃᕐᕕᒥᒃ. ᑖᓐᓇ ᐱᓇᓱᒐᖃᕐᕕᑕᖑᔪᖅ, ᑖᓐᓇ ᐱᓇᓱᒐᖃᕐᕕᑕᖑᔪᖅ ᐱᑕᖃᓪᓚᕆᒋᐊᓕᓐᓂᒃ ᑭᖕᖒᒪᑦᓯᒍᑎᖏᓐᓂᒃ ᓄᓇᕕᐅᑉ ᓄᓇᓕᖏᑦᑕ ᐱᓇᓱᒐᖃᕐᕕᖏᑕᓗ ᐊᑑᑎᖃᑦᓯᐊᓂᕐᓴᓂᒃ ᐱᓇᓱᖃᑦᑕᓂᐊᓕᕐᑎᓗᒋᑦ ᖃᐅᔨᓴᕐᓂᐅᑉ ᐊᐅᓚᑕᐅᓂᖏᓐᓂᒃ ᑲᒪᒋᔭᐅᓂᖏᓐᓂᓗ.

ᐊᕐᕌᒍᐃᑦ ᐅᓄᕐᑐᑦ ᐊᓂᒍᕐᑎᓗᒋᑦ, ᓄᓇᕕᒻᒥ ᖃᐅᔨᓴᕐᓂᒥᒃ ᐱᓇᓱᑦᑐᑦ ᐅᓄᕐᓯᕙᓪᓕᐊᑐᐃᓐᓇᐸᓕᕐᐳᑦ, ᓯᕗᓕᕐᑕᐅᓂᖃᓗᐊᖕᖑᐊᑐᓂᒃ ᓄᓇᖁᑎᒥ ᓯᓚᑖᓂᑦ ᐱᓯᒪᔪᓄᑦ, ᓄᓇᓕᓐᓂ ᐱᓇᓱᑦᑐᓴᓂᒃ ᐱᒐᓱᒍᑎᑦᓴᓂᓪᓗ ᑐᓴᕐᑎᓯᓕᕐᑐᓄᑦ, ᑕᒪᑐᒥᖓ ᑲᒪᒋᐊᓯᓗᓂ ᓄᑖᖑᑦᓱᓂ ᖃᐅᔨᓴᕐᓂᓂᒃ ᐊᐅᓚᑦᓯᕕᐅᓚᖓᓕᕐᑐᖅ ᓄᓇᕕᐅᑉ ᐱᓇᓱᒐᖃᕐᕕᖁᑎᖏᓐᓄᓗ ᓄᓇᓕᖏᓐᓄᓗ ᐱᐅᓯᒋᐊᕆᒍᑎᐅᓛᑐᓂᒃ ᑐᑭᓯᒪᐅᑎᖃᑎᒌᒍᑎᓂᒃ, ᐱᓇᓱᑦᑎᑖᕐᐸᓕᐊᓂᖃᕐᓗᓂᓗ ᐊᒻᒪᓗ ᐃᓚᐅᑎᑦᓯᓂᖃᕐᓗᓂ, ᑲᔪᓯᓂᖃᑦᓯᐊᑐᓂᒃ ᐊᑕᐅᓯᕐᒥᓗ ᐊᐅᓚᑕᐅᕕᓕᓐᓂᒃ ᖃᐅᔨᓴᕐᓂᒥᒃ ᑲᒪᒋᔭᖃᕐᕕᐅᓗᓂ  ᐊᐅᓚᑦᓯᕕᐅᓗᓂᓗ. ᑕᒪᓐᓇ ᐃᑲᔪᕐᓯᓚᖓᔪᖅ ᓱᕐᖁᐃᑐᒥᒃ ᖃᐅᔨᓴᕈᑎᐅᔪᑦ ᖃᓄᓕᒫᖅ ᐃᑲᔪᕐᓯᓚᖓᑎᓪᓗᒋᑦ ᖃᓄᐃᖕᖏᓯᐊᕐᑐᓴᐅᓂᖏᑎᒍᑦ, ᖃᐅᔨᒪᔭᐅᔪᓂᓪᓗ ᐃᓚᒋᐊᕆᓂᐅᓗᓂ, ᐊᒻᒪᓗ ᐃᓅᑦᔪᓯᑎᒍᓪᓗ, ᐱᓂᐊᓂᕐᓕᕆᐅᑎᑎᒍᓪᓗ ᒪᑭᑕᒐᓱᒍᑎᓂᓪᓗ ᐱᒐᓱᒍᑎᖏᓐᓂᒃ ᓄᓇᕕᒻᒥᐅᑦ ᐱᐅᓂᕐᓴᒥᒃ ᓄᐃᑕᑎᑦᓯᓂᐅᒐᔭᕐᑐᓂᒃ ᓄᓇᕕᐅᑉ ᓯᕗᓪᓕᐅᔨᒋᐊᓕᖏᓐᓂᒃ, ᑭᖕᖒᒪᑦᓯᒍᑎᖏᓐᓂᓗ, ᐃᓪᓕᕆᔭᖏᓐᓂᒃ ᐊᒻᒪᓗ ᖃᐅᔨᒪᔭᖏᓐᓂᒃ.

ᑖᓐᓇ ᐱᕙᓪᓕᐊᑎᑦᓯᒍᑎᐅᓕᕐᑐᖅ ᓯᕗᓕᕐᑕᐅᕗᖅ ᑲᑎᖕᖓᔨᑖᖑᓯᒪᔪᓄᑦ ᑲᒪᒋᔭᖃᕐᓂᐊᓗᑎᒃ ᑕᒪᑐᒥᖓ ᑲᑎᖕᖓᔨᖏᑦ ᐱᓯᒪᑦᓱᑎᒃ ᐅᑯᓇᖕᖓᑦ ᓯᑕᒪᐅᔪᖕᖏᒐᕐᑐᓂᑦ ᐱᓇᓱᒐᖃᕐᕕᓂᑦ ᑭᒡᒐᑐᕐᑐᓂᒃ - ᒪᑭᕝᕕᒥᒃ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ, ᓄᓇᕕᒻᒥ ᐃᓗᓯᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᑦᔪᔨᕕᒻᒥᒃ, ᑲᑎᕕᒃ ᐃᓕᓴᕐᓂᓕᕆᕕᒻᒥᒃ, ᑲᑎᕕᒃ ᓄᓇᓕᓕᒫᑦ ᐃᒡᓗᓕᕆᔨᕐᔪᐊᑯᓐᓂᒃ, ᓄᓇᕕᒻᒥ ᑕᕆᐅᕐᒥᐅᑕᓕᕆᔨᒃᑯᑦ ᑲᑎᒪᔨᖏᓐᓂᒃ ᐊᒻᒪᓗ ᐊᕙᑕᖅ ᐱᐅᓯᑐᖃᓕᕆᕕᒻᒥᒃ – ᐃᓚᐅᒻᒥᑎᓪᓗᒋᑦ ᐃᓄᑐᐃᓐᓀᑦ ᖃᐅᔨᓴᕐᓂᓄᑦ ᐊᔪᖀᒋᐊᕐᑎᖓᓂᒃ ᓄᓇᕕᒻᒨᓕᖓᑦᓱᓂ.

ᓄᑖᖑᑦᓱᓂ ᖃᐅᔨᓴᕐᓂᓂᒃ ᐊᐅᓚᑦᓯᕕᑦᑕᖃᒻᒥᐅᓗᓂ ᐱᓇᓱᒐᖃᕐᕕᐅᓚᖓᓕᕐᑐᖅ ᓂᕆᐅᓇᕐᐳᖅ ᐱᕙᓪᓕᐊᓂᖃᓯᐊᓛᕆᐊᖓ 2024 ᐊᕐᕌᒍᖓᓂ. ᐊᕐᕋᒎᓚᖓᔫᒃ ᒪᕐᕉᒃ ᐃᓂᓪᓓᓇᓱᕝᕕᐅᓚᖓᕘᒃ ᑖᑦᓱᒥᖓ ᓄᑖᒥᒃ ᐱᓇᓱᒐᖃᕐᕕᑖᖑᔪᒥᒃ ᐊᑐᐃᓐᓇᕈᕐᑎᕕᐅᓗᑎᒃᓗ ᐃᖏᕐᕋᑎᑦᓯᓂᕐᒥᒃ ᐱᓇᓱᓐᓂᓴᖓᓂᒃ. ᐃᓂᓪᓚᓯᒪᓂᑦᓴᖓᓂᒃ ᐱᓇᓱᓐᓂᐅᔪᖅ ᑲᒪᒋᔭᐅᓚᖓᔪᖅ ᑲᑎᖕᖓᔨᖁᑎᒥᓄᑦ ᓴᐳᑦᔭᐅᒪᓗᓂᓗ ᐱᕙᓪᓕᐊᓯᓂᖓᓂᒃ ᑐᑭᒧᐊᑎᑦᓯᔨᒧᑦ, ᐊᓖᓯᐊ ᐃᖃᓗᒻᒧᑦ. ᐊᓖᓯᐊ ᐱᓇᓱᓕᕇᕐᑐᖅ ᑐᑭᖃᑦᓯᐊᑐᒥᒃ ᐃᓄᒃᑎᑐᑦ ᐊᑦᓯᕋᐅᑎᑦᓴᖓᓂᒃ ᑖᑦᓱᒪ ᐱᓇᓱᒐᖃᕐᕕᑕᕐᖃᒥᐅᓚᖓᓕᕐᑑᕐ ᐃᓄᓕᒫᓂᒃ ᑐᓴᐅᒪᑎᑦᓯᒍᑏᑦ ᑐᓴᕐᑎᓯᒍᑎᐅᖃᑦᑕᓚᖓᔪᑦ ᐃᓚᐅᒐᔭᕐᑐᓂᓪᓗ ᓴᐳᑦᔨᓯᒪᒐᔭᕐᑐᓂᓪᓗ ᐱᒐᓱᓕᕐᐸᑕ ᐊᒻᒪᓗ ᐱᓇᓱᑦᑎᓴᕐᓯᐅᓂᖃᓕᕐᐸᑕ. ᑌᒪᓕ ᑖᓐᓇ ᐱᓇᓱᒐᖃᕐᕕᑖᕐᖃᒥᖅ ᐃᖏᕐᕋᓂᖃᑦᓯᐊᖏᓐᓂᓕᒫᖓᓂ, ᖃᐅᔨᓴᕐᓂᒥᒃ ᐱᓇᓱᑉᐸᑐᑦ ᑲᔪᓯᔪᒥᒃ ᒪᓕᑦᓯᐊᖏᓐᓇᕆᐊᖃᕐᐳᑦ ᖃᐅᔨᓴᕈᒪᔪᑦ ᖃᓄᐃᓘᕈᑎᒋᓲᖏᓐᓂᒃ ᐅᓪᓗᒥᐅᑎᓪᓗᒍ ᐋᕐᕿᑕᐅᓯᒪᒍᑎᖏᓐᓂᒃ ᒪᓕᑦᓯᐊᖏᓐᓇᓗᑎᒃ.

ᐅᖃᕐᑕᕕᓃᑦ

ᐊᕐᕌᒍᓂ ᐊᒥᓱᓂ ᓄᓇᕕᒃ ᓇᔪᕐᑕᐅᓕᓂᐅᕗᖅ ᐊᒥᓱᓄᑦ ᖃᐅᔨᓴᐅᑎᒥᒃ ᐱᓇᓱᐊᕈᑎᓄᑦ, ᑭᐱᑦᑕᖏᑦᑐᒥᒃ ᐊᒻᒪᓗ ᑕᑦᓯᓴᒥᒃ ᐱᕙᓪᓕᕈᑎᖃᓚᐅᕐᓯᒪᑎᓐᓇᒍ ᐃᓄᖁᑎᑦᑎᓄᑦ. ᑕᑯᑦᓴᕈᕐᓯᒪᑦᓯᐊᐳᖅ ᒪᑭᑦᓯᔪᑦᓴᐅᓕᕆᐊᑦᑕ ᓄᓇᕕᒻᒥ-ᓴᓇᒪᔪᒥᒃ ᑎᒥᒥᒃ ᐊᑐᕋᔭᕐᑐᒥᒃ ᑕᒪᖏᓐᓄᑦ ᐃᑎᕐᕕᐅᓂᕐᒧᑦ ᐊᒻᒪᓗ ᐆᒻᒪᑎᑦᓯᔨᐅᓂᕐᒧᑦ ᐱᐅᔪᒧᐊᓕᖓᔪᓂᒃ ᓱᒻᒣᒍᑎᓂᒃ ᖃᐅᔨᓴᐅᑏᑦ ᐱᓇᓱᑦᑕᐅᓂᖏᓐᓄᑦ ᑕᒫᓂ ᓄᓇᑦᑎᓂ,

ᐅᐱᒋᔭᖃᑦᓯᐊᐳᖓ ᐱᓇᓱᑦᑕᐅᓯᒪᔪᓂᒃ ᓴᖑᐊᑦᓯᔨᓄᑦ ᑲᑎᒪᔨᐊᐱᓐᓄᑦ ᐊᒻᒪᓗ ᐊᒥᓱᓄᑦ ᐃᓄᓐᓄᑦ ᐅᖄᓯᒪᔪᓄᑦ ᖃᐅᔨᓕᓂᕐᒥᓂᒃ ᐊᒻᒪᓗ ᐃᓱᒪᒋᔭᒥᓂᒃ ᐸᕐᓇᓂᓕᒫᖏᓐᓂ ᑐᕌᕐᓱᑎᒃ ᑖᑦᓱᒥᖓ ᑎᒥᒥᒃ ᐱᖕᖑᑎᑦᓯᓂᓪᓚᕆᒻᒧᑦ. ᓱᕐᖁᐃᑎᑦᓯᓂᖅ ᖃᐅᔨᓴᐅᑎᒥᒃ ᐱᓇᓱᐊᕈᑕᐅᔪᑦ ᒪᓕᒋᐊᖏᓐᓂᒃ ᓄᓇᕕᐅᑉ ᓯᕗᓪᓕᐅᔪᑦᓴᖁᑎᖏᓐᓂᒃ, ᐱᒋᐊᓕᖏᓐᓂᒃ, ᐱᓪᓚᕆᖁᑎᖏᓐᓂᒃ, ᐊᒻᒪᓗ ᖃᐅᔨᒪᐅᓯᖏᓐᓂᒃ ᐱᕙᓪᓕᕈᑕᐅᓚᖓᔪᖅ ᓄᓇᕕᒻᒥᐅᓄᑦ, ᓄᓇᓕᑦᑎᓄᓪᓗ ᐊᒻᒪᓗ ᐃᓘᓐᓇᓯᐊᖏᓐᓄᑦ ᖃᐅᔨᓴᕐᑎᓕᒫᑦᓯᐊᓄᑦ.”

ᐋᑕᒥ ᑎᓖᓪ ᐊᓚᑯ
ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ, ᖃᐅᔨᓴᕐᓂᒥᓪᓗ ᐱᒍᑦᔨᕕᒃ, ᒪᑭᕝᕕᒃ

ᓄᓇᕕᒻᒥᐅᑦ ᐅᖃᕐᓯᒪᔪᑦ ᓂᐱᕆᑦᑐᒥᒃ ᑐᑭᓯᓇᑦᓯᐊᑐᒥᓪᓗ ᐱᒍᒪᓯᒪᓂᕐᒥᓂᒃ ᓇᒻᒥᓂᖅ-ᑐᑭᑖᕐᑎᐅᒍᒪᑦᓱᑎᑦ ᖃᐅᔨᓴᕐᓂᒨᓕᖓᔪᓂᒃ. ᑖᓐᓇ ᓄᑖᖅ ᑎᒥᐅᔪᖅ ᐃᑲᔪᕐᓯᓚᖓᔪᖅ ᑕᒪᑦᓱᒥᖓ ᓄᐃᑎᑦᓯᒍᓐᓇᓂᕐᒥᒃ. ᑖᓐᓇ ᓄᑖᖅ ᑎᒥᐅᔪᖅ ᐱᕕᑦᓴᖃᕐᑎᓯᓚᖓᔪᖅ ᐃᓄᓐᓂᒃ ᑐᑭᑖᕆᔨᐅᑎᑦᓯᒍᓐᓇᓂᕐᒥᒃ ᖃᐅᔨᓴᕐᓂᓄᑦ ᐅᕙᑦᑎᓂᒃ ᓄᓇᑦᑎᓂᓪᓗ, ᖃᐅᔨᓴᕐᓂᖅ ᑐᓴᕋᑦᓴᖃᕐᑎᑕᐅᖃᑦᑕᓂᐊᕐᑎᓗᒍ ᐃᓄᐃᑦ ᐃᓕᖅᑯᓯᖓᒍᑦ ᐊᒻᒪᓗ ᐃᓪᓕᕆᔭᖏᓐᓄᑦ, ᐊᒻᒪᓗ ᐱᐅᓯᑐᖃᕐᑎᒍᑦ ᖃᐅᔨᒪᔭᕗᑦ ᐃᓕᑕᕆᔭᐅᓂᕐᓴᐅᒐᔭᕐᓱᓂ ᐊᑐᕐᑕᐅᓂᕐᓴᐅᓗᓂᓗ. ᑕᑯᒍᒥᓇᕐᒥᔪᖅ ᐊᒥᓱᓂᒃ ᐃᓄᓐᓂᒃ ᖃᐅᔨᓴᕐᑎᖑᕋᔭᕐᑐᓂᒃ, ᐊᐱᕐᓱᓚᕿᕗᒍᑦ ᐊᒻᒪᓗ ᕿᓂᕐᓱᑕ ᑭᐅᔭᐅᒍᑎᑦᓴᓂᒃ ᐱᐅᓯᒋᐊᕆᓚᖓᔪᓂᒃ ᐃᓅᖃᑎᒌᑎᒍᑦ, ᐊᒻᒪᓗ ᐱᓇᓱᐊᖃᑎᒌᓐᓂᑯᑦ ᓱᓕᑦᓯᐊᑐᒥᒃ ᖃᓪᓗᓈᓂᒥᐅᓂᒃ ᖃᐅᔨᓴᕐᑎᓂᒃ.”

ᐊᓕᓯᐊ ᐃᖃᓗᒃ
ᑐᑭᒧᐊᕐᑎᓯᔨ ᑎᒥᐅᔪᑉ ᐱᒋᐊᖕᖓᓂᖓᓂ

ᐱᕙᓪᓕᐊᓯᒪᓂᖏᑦ:

ᓄᓇᕕᒃ ᓄᓇᖁᑕᐅᔪᓕᒫᓂᑦ ᐃᓄᐃᑦ ᓄᓇᖓᓐᓂ ᑖᓐᓇᑐᐊᖑᓕᕐᒪᑦ ᐱᑕᖃᕋᓂ ᐊᑕᐅᓯᕐᒥᒃ ᖃᐅᔨᓴᕐᓂᓂᒃ ᕿᒥᕐᕈᕕᒻᒥᒃ ᐊᖏᕐᓂᒥᓪᓗ ᐱᓇᓱᕝᕕᒥᒃ. ᐊᕐᕌᒍᓐᓂ ᒪᕐᕉᓂ ᐊᓂᒍᕐᑐᓂ, ᑲᑎᖕᖓᔨᑕᕆᒍᑎᐅᓯᒪᔪᑦ ᑕᓯᐅᕐᓯᔪᑦᓴᐅᓱᑎᒃ ᑲᒪᖃᑦᑕᖁᖅ ᐱᕙᓪᓕᐊᑎᑦᓯᒍᑎᓂᒃ ᐸᕐᓇᕈᑎᐅᒪᑦᓱᑎᒃ ᐃᓚᐅᑎᑦᓯᓂᑦᓴᓂᒃ ᐃᓂᓪᓚᑕᐅᓂᖃᓕᕐᐸᑦ ᐃᖏᕐᕋᑎᑕᐅᓂᖃᓕᕐᐸᓗ ᓄᑖᖑᑦᓱᓂ ᖃᐅᔨᓴᕐᓂᒥᒃ ᑲᒪᒋᔭᖃᕐᕕᐅᓗᓂ ᐱᓇᓱᒐᖃᕐᕕᐅᓚᖓᓕᕐᑐᒥᒃ ᓄᓇᕕᒻᒥ. ᐊᑐᐃᓐᓇᕈᕐᑎᑕᐅᔪᑦ, ᐊᐱᕐᓱᓂᕐᑎᒍᑦ ᐊᒥᓲᓂᕐᓴᓂᒃ 70-ᓂᑦ ᐃᓄᓐᓂᒃ ᑐᑭᓯᒪᔭᒥᓂᒃ – ᐱᓯᒪᓗᐊᖕᖑᐊᑐᓂᒃ ᐃᓄᓐᓂᑦ ᓄᓇᕕᐅᑉ ᓯᕗᓕᕐᑎᖏᓐᓂᑦ ᐊᒻᒪᓗ ᓄᓇᕕᐅᑉ ᓄᓇᖁᑎᖓᓂᓪᓗ ᓄᓇᓕᖏᑕᓗ ᐱᓇᓱᒐᖃᕐᕕᖏᓐᓂᑦ – ᐊᖏᕐᑕᐅᓂᖃᓚᐅᔪᕗᖅ ᑲᑎᖕᖓᔨᖁᑎᒥᓄᑦ ᕕᕈᐊᕆ 2022-ᖑᑎᓪᓗᒍ ᒫᓐᓇᓗ ᐊᖏᕐᑕᐅᒪᓕᕐᐳᖅ ᑲᔪᓯᑎᑕᐅᑦᓱᓂᓗ ᖁᓕᓪᓗ/ᑕᓪᓕᒪᐅᔪᕐᑐᓗ ᒪᕐᕈᓗᓄᑦ) ᐱᓇᓱᒐᖃᕐᕕᐅᔪᓄᑦ ᓄᓇᖁᑎᑦᑎᓂ.

ᐃᓚᐅᕙᓪᓕᐊᓂᑦᓴᖓᓄᑦ ᐸᕐᓇᕈᑎᐅᔪᑦ ᐊᖏᕐᑕᐅᓚᐅᕐᑎᓗᒋᑦ, ᓄᑖᖑᑦᓱᓂ ᖃᐅᔨᓴᕐᓂᓂᒃ ᐊᐅᓚᑦᓯᕕᑦᑕᖃᒻᒥᐅᓗᓂ ᐱᓇᓱᒐᖃᕐᕕᐅᓚᖓᓕᕐᑐᖅ ᐱᔭᖃᖃᑦᑕᓛᓕᕐᖁᖅ ᓯᕗᓂᕐᒥ ᐱᒐᓱᑉᐸᓂᐊᕐᑕᒥᓂ ᑲᔪᓯᑎᑦᓯᓂᐅᓗᓂ ᐊᒥᓱᑲᓪᓚᓂᒃ ᑲᒪᒋᔭᑦᓴᑕᖑᒪᔪᓂᒃ ᐱᓇᓱᑉᐸᓚᖓᓕᕐᓱᓂ ᐃᓂᓪᓚᑕᐅᒪᓕᑐᐊᕈᓂ: ᐅᐃᒍᑖᖑᓚᖓᒻᒥᔪᑦ ᐊᖏᕐᑕᐅᔪᓄᑦ ᐊᒻᒪᓗ ᑲᒪᒋᔭᐅᓂᖃᓕᕐᓱᑎᒃ ᖃᐅᔨᓴᕐᓂᐅᔪᑦ ᐊᕐᖁᑎᖃᕐᓗᑎᒃ ᓄᓇᓕᓕᒫᓪᓗ ᓄᓇᓕᐅᔪᓪᓗ ᕿᒥᕐᕈᓂᕐᓄᑦ ᑲᑎᖕᖓᔨᖏᓐᓂ, ᑕᒪᑐᒪ ᐸᐸᑕᐅᕕᖓ ᓇᓗᓀᕆᖃᑦᑕᓚᖓᕗᖅ, ᓄᐊᑦᓯᖃᑦᑕᓗᓂᓗ, ᐊᒻᒪᓗ ᑐᓴᕐᑕᐅᑎᑦᓯᖃᑦᑕᓗᓂ ᖃᐅᔨᓴᕐᓂᐅᔪᑎᒍᑦ ᓯᕗᓪᓕᐅᔭᐅᒋᐊᓕᓐᓂᒃ; ᑲᒪᒋᔭᐅᒋᐊᓕᓐᓂᒃ ᐊᒻᒪᓗ ᑐᓴᐅᒪᔭᐅᒋᐊᓕᓐᓂᒃ ᖃᐅᔨᓴᕐᓂᒥᒃ ᑐᑭᓯᒪᒍᑎᐅᔪᑦ; ᓴᐳᒻᒥᓗᑎᒃᓗ ᓄᓇᓕᓐᓂ ᖃᐅᔨᓴᕐᓂᓴᑎᒍᑦ ᑭᖕᖒᒪᒋᔭᐅᔪᓂᒃ; ᓴᐳᑦᔨᓯᒪᒻᒥᓗᒋᓪᓗ ᖃᐅᔨᓴᕐᓂᒥᒃ ᐱᓇᓱᑦᑏᑦ.

ᐊᐱᕐᓲᑎᑦᓴᖃᕈᑦᓯ, ᑐᑭᓯᒋᐊᕐᑐᓴᐅᕗᓯ ᐱᓇᓱᖃᑎᒌᑦᑐᓄᑦ ᑐᕃᓐᓇᓗᑎ ᐅᕗᖓ . ᑐᑭᓯᒋᐊᒃᑲᓂᕈᑎᑦᓭᑦ, ᐃᓚᐅᑎᓪᓗᒋᑦ ᐃᓕᖓᖃᑕᐅᓂᖃᕐᓱᑎᒃ ᑐᓴᕐᑎᓯᒍᑎᓕᐊᖑᒪᒧᑦ ᑕᑯᔭᐅᒍᓐᓇᖁᑦ ᐅᕙᓂ www.nunavikresearch.ca.

 

 

819 964-2000

Toll Free: 1-833-229-2008

Kativik Municipal Housing
Bureau

 P.O.Box 1200,
Kuujjuaq, Quebec
J0M 1C0