ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᐱᓇᓱᒐᕐᓂᒃ ᑕᑯᑦᓴᐅᑎᑦᓯᒋᐅᓚᐅᔪᖅ ᑰᑦᔪᐊᒥ

ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᐱᕈᕐᐸᓕᐊᖏᓐᓚᓕᒫᕐᑐᖅ ᑎᒥᐅᔪᖅ ᐊᒻᒪᓗ ᓄᑖᓂᒃ ᐱᓇᓱᑦᑎᑖᖏᓐᓇᓕᒫᕐᓱᓂ. ᕿᓂᓚᐅᔪᒍᑦ ᓄᑖᓂᒃ ᐱᓇᓱᑦᑎᑖᕋᓱᐊᕈᓯᕐᓂᒃ ᐊᒻᒪᓗ ᑭᖑᓪᓕᐹᒥ ᐱᓇᓱᐊᕐᓂᕆᓚᐅᔭᕗᑦ ᑲᔪᓯᑦᓯᐊᑐᒻᒪᕆᐅᓚᐅᔪᖅ! ᑐᑭᑖᓚᐅᔪᒍᑦ ᐊᑐᐃᓐᓇᕈᕐᑎᕆᐊᒥᒃ ᐱᓇᓱᒐᕐᓂᒃ ᓄᐃᑕᑎᑦᓯᓂᕐᒥᒃ. ᖃᓅᖅ ᐃᓱᒪᒋᔭᐅᕙ? ᐱᓇᓱᑦᑎᑖᕐᓂᖅ, ᓱᑲᑦᑐᒥᒃ ᓂᕆᖃᑎᒌᓐᓂᑎᑐᑦ!
ᐃᓱᒪᒋᔭᐅᓂᖓ: ᐱᓇᓱᒐᕐᑖᕋᓱᐊᕆᐊᕐᑐᕆᑦᓯ ᐱᓇᓱᒐᕐᑖᓗᓯᓗ ᑕᕝᕓᓇᖅ! 

ᑰᑦᔪᐊᒥᐅᓕᒫᑦ ᙯᖁᔭᐅᓚᐅᔪᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᐊᓪᓚᕕᖓᓄᑦ ᒪᐃ 4-ᖑᓚᐅᔪᒥ ᐅᖄᖃᑎᖃᕆᐊᕐᑐᓗᑎᒃ ᐱᓇᓱᑦᑎᑎᓐᓂᒃ ᐃᓕᑦᓯᓗᑎᓪᓗ ᐱᓇᓱᒐᑦᓴᑕ ᒥᑦᓵᓄᑦ.

20220504 133019Job fair Job application Medium

ᐱᓇᓱᐊᖃᑎᖃᑦᓯᐊᕖᖕᖓᓚᐅᕐᑐᒍᑦ ᐅᕕᒃᑲᓅᓕᖓᔪᓂᒃ ᐱᓇᓱᒐᓕᕆᔨᓂᒃ  – Yes Nunavik-ᑯᓐᓂᒃ ᐱᓇᓱᒐᕐᑖᕋᓱᐊᕐᕕᒥ ᓵᒦᓚᐅᕐᑐᑦ ᐃᑲᔪᕐᓱᑎᒃ ᐱᓇᓱᒐᕐᑖᕋᓱᐊᕐᑐᓂᒃ ᑕᑕᕐᓭᑎᓪᓗᒋᑦ. 

ᐱᓇᓱᒐᕐᑖᕋᓱᐊᕈᒪᔪᓕᒫᑦ ᑲᑎᓯᒋᐊᕐᑐᖁᔭᐅᓚᐅᕐᑐᑦ ᒪᕐᕉᓂᒃ ᑐᑭᒧᐊᑦᑎᓯᔩᓐᓂᒃ ᐊᐱᕐᓱᑕᐅᓂᕐᒧᑦ.

ᑲᑎᑦᓱᑎᒃ, 21 ᐱᓇᓱᒐᕐᑖᕋᓱᐊᓚᐅᕐᑐᑦ ᐊᒻᒪᓗ 18 ᐊᐱᕐᓱᑕᐅᑦᓱᑎᒃ. ᐅᓪᓘᑉ ᐃᓱᐊᓂ, 10 ᐱᓇᓱᒐᕐᑖᕋᓱᑦᑐᑦ ᐱᓇᓱᑦᑎᑖᖑᓚᐅᕐᑐᑦ!

“ᐅᓐᓄᖓᓂ ᐅᖄᓚᕕᐅᓚᐅᔪᖓ ᐱᓇᓱᒐᕐᑖᓂᕋᕐᑕᐅᓱᖓ!" 

ᑲᑎᕐᓱᐃᓯᒪᔪᒍᑦ ᐅᖃᐅᓯᑦᓴᕆᔭᐅᓯᒪᔪᓂᒃ ᒪᕐᕉᓂᑦ ᓄᑖᓐᓂᑦ ᐱᓇᓱᑦᑎᑎᓐᓂᑦ ᐱᓇᓱᑦᑎᑖᕆᓚᐅᔭᕗᓐᓂᑦ ᑌᑲᓂ ᐅᓪᓗᒥ. ᖃᐅᔨᒋᐊᓚᐅᕐᑕ ᖃᓄᖅ ᐃᓱᒪᒻᒪᖔᑎᒃ ᐃᓱᒪᒋᔭᐅᓂᖓᓂᒃ ᑕᒪᑦᓱᒪ!

ᓄᑖᖅ ᑭᓯᑕᐅᒪᔪᓂᒃ ᐱᖁᑎᓕᕆᓂᕐᒥ ᑐᑭᒧᐊᑦᑎᓯᔨ ᐳᕉᔅ ᑑᓄ ᑐᓴᕐᑐᕕᓂᖅ ᐱᓂᐊᕐᓂᐅᔫᑉ ᒥᑦᓵᓄᑦ ᐱᖃᑎᒥᓄᑦ ᐱᓇᓱᑦᑎᒧᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒥ ᐅᖃᐅᑎᔭᐅᑦᓱᓂᒃ. ᐱᓇᓱᒍᑦᔨᓂᕐᒧᑦ ᐊᖏᖃᑎᒌᒍᑎᒃᑯᑦ ᐱᓇᓱᑦᓯᒪᓕᕋᒥ ᓄᓇᕕᒻᒥ 30 ᐊᕐᕌᒍᐃᑦ ᐅᖓᑖᓄᑦ, ᑕᑯᓂᐊᖁᔨᔪᕕᓂᖅ. ᐅᖃᕐᑐᖅ ᑌᑲᓂ ᐅᓪᓗᒥ, “ᐱᐅᑦᓴᓚᐅᕐᑐᖅ ᐊᒥᓱᑦ ᓄᐃᓚᐅᕐᒪᑕ! ᐊᐱᕐᓱᓂᖅ ᑲᔪᓯᑦᓯᐊᓚᐅᕐᓱᓂ ᐊᒻᒪᓗ ᐅᖄᓚᕕᐅᑦᓱᖓ ᐅᓐᓄᓭᓐᓇᖓᓂ ᐱᓇᓱᒐᕐᑖᓂᕋᕐᑕᐅᓱᖓ.”

ᐅᖃᕐᑐᖅ ᐱᓂᐊᕐᓂᐅᓚᐅᕐᑐᖅ “ᑲᔪᓯᑦᓯᐊᑐᒻᒪᕆᕕᓂᐅᓂᕋᕐᓱᒍ” ᐊᒻᒪᓗ “ᐃᓱᒪᒋᒐᑦᓴᓯᐊᖑᑦᓱᓂ” ᑕᑯᒋᐅᓚᐅᕋᒥ ᑌᒣᑦᑐᒥᒃ ᐱᓂᐊᕐᓂᐅᔪᒥᒃ ᐊᑑᑎᑎᑕᐅᔪᒥᒃ ᑰᑦᔪᐊᒨᓕᓚᐅᕐᓯᒪᒐᒥᓂᑦ.

ᐅᓪᓗᒥᒧᑦ, ᐳᕉᔅ ᐊᓕᐊᒋᔭᓕᒃ ᐆᑦᑐᕋᑦᓴᓂᒃ ᐊᒻᒪᓗ ᐱᓇᓱᖃᑎᒌᑦᑐᓂᒃ ᐊᒻᒪᓗ ᕿᓚᓈᕐᓱᓂ “ᐋᕐᖀᓯᐊᓛᕆᐊᒥᒃ ᑐᖕᖓᕕᑦᓯᐊᒥᒃ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᓱᓇᒐᓚᖃᐅᑎᖏᓐᓄᑦ ᓄᓇᕕᓕᒫᒥ.”

ᔮᔅᒥᓐ ᐋᕆᐊᕐᓕ,  ᙯᖁᔭᐅᓚᐅᔪᖅ ᒪᕆᐋᓐ ᐱᕌᓐᒧᑦ, YES Nunavik-ᒥᑦ ᐱᓯᒪᔪᒧᑦ. ᐆᑦᑐᕋᓯᓚᐅᔪᖅ ᐊᒻᒪᓗ ᑕᒫᖕᙰᓇᖅ ᐊᐱᕐᓱᑕᐅᒋᐊᕐᑐᓯᑦᓱᓂ. ᐱᓇᓱᑦᑎᑖᕐᖃᒥᒋᓕᕐᑕᕗᑦ ᐸᕐᓇᓂᕐᓂᒃ ᐊᒻᒪᓗ ᐊᐅᓚᑦᓯᓂᕐᒥ ᐱᓇᓱᑦᑎᐅᓕᕐᓱᓂ.

ᐅᖃᕐᑐᖅ ᐊᓪᓚᕕᐅᑐᐊᕋᒥ ᑲᒪᔨᒻᒪᕆᓐᓂᑦ, ᐊᓕᐊᓱᓚᐅᔪᓂᕋᕐᓱᓂ!

ᐊᒥᓲᖕᖏᑐᑦ ᐱᓇᓱᐊᕈᓰᑦ ᓈᓕᕐᑐᑦ ᐱᓇᓱᒐᕐᓂᒃ ᓄᐃᑕᑎᑦᓯᓂᖅ ᐊᑑᑎᓚᐅᔪᒻᒪᑦ ᐊᒻᒪᓗ ᑐᖕᖓᓱᑦᑎᓯᖃᑦᑕᖏᓐᓇᑐᒍᑦ ᐱᓇᓱᑦᑎᓂᒃ ᓄᑖᓄᑦ ᐱᓇᓱᒐᖕᖏᓐᓄᑦ, ᐃᓱᕐᕆᑎᒐᓱᑦᓱᒋᑦ ᓄᑖᒥ ᐃᓂᒥᓂ!

ᓄᑖᓂᒃ ᐱᓇᓱᑦᑎᑖᕋᓱᐊᕈᓯᕐᑖᓂᕐᒧᑦ

ᖁᕕᐊᓱᒃᑯᒍᑦ ᐅᖃᕆᐊᒥᒃ ᐱᓇᓱᒐᕐᓂᒃ ᓄᐃᑕᑎᑦᓯᓂᕆᓚᐅᔭᕗᑦ ᑲᔪᓯᑦᓯᐊᑐᒻᒪᕆᐅᓚᐅᔪᒋᐊᖓ! ᑎᒥᐅᔪᐃᑦ ᐊᓯᖏᑦ ᓄᓇᕕᒻᒥ ᑌᒣᓘᕈᒪᓂᕐᒥᓂᒃ ᐃᓱᒪᓯᒪᓕᕐᒥᔪᑦ. ᓇᓗᓇᖕᖏᑐᖅ, ᐱᓇᓱᑦᑎᑖᕆᐊᖃᕈᑦᑕ ᓯᕗᓂᑦᑎᓂ, ᐸᕐᓇᓛᕆᐊᑦᑕ ᑌᒣᓘᕆᐊᓪᓚᓂᕐᒥᒃ!

Job Fair team

ᐊᖏᓕᕙᓪᓕᐊᑐᐃᓐᓇᖁᒍᑦ ᑎᒥᐅᔫᑦᓱᑕ ᐱᕕᑦᓭᑦ ᓄᐃᖏᓐᓇᓕᒫᕐᓱᑎᒃ.
ᒫᓐᓇ ᐱᓇᓱᒐᑦᓴᓂᒃ ᐅᒃᑯᐃᖔᕐᑐᓂᒃ ᑕᑯᒍᒪᒍᕕᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒥ, ᑕᑯᒋᐊᕈᓐᓇᖁᑎᑦ ᐅᕗᖓ: https://www.omhkativikmhb.qc.ca/ui/available-positions-ui

 

 

 

 

819 964-2000

Toll Free: 1-833-229-2008

Kativik Municipal Housing
Bureau

 P.O.Box 1200,
Kuujjuaq, Quebec
J0M 1C0