ᑐᓴᕋᑦᓴᖅ | ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᖓᑦ ᓄᐃᑕᑎᑦᓯᔪᑦ ᓄᑖᒥᒃ ᐊᑦᔨᖑᐊᒥᒃ ᐱᓇᓱᑦᑎᖏᑦ ᓴᓂᐊᓃᑦᑎᓗᒋᑦ ᐊᒻᒪᓗ ᒪᑭᕝᕕᐅᑉ ᐊᖓᔪᕐᖄᖓ ᐃᓚᐅᑎᓪᓗᒍ.pdf

 

ᑐᓴᕋᑦᓴᖅ
ᑐᓴᕐᑎᓯᒍᑎᐅᑦᓴᐅᑎᕆᒋᐊᓕᒃ

 

ᑰᑦᔪᐊᖅ, ᑯᐯᒃ (ᕕᕗᐊᕆ 16, 2023) – ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᖓᑦ ᖁᕕᐊᓱᓪᓚᕆᑦᓱᑎᑦ ᑕᑯᑦᓴᐅᑎᑦᓯᔪᕕᓃᑦ ᓄᑖᒥᑦ ᑎᒥᐅᔫᑉ ᑕᕐᓴᖓᓂᑦ ᐱᓇᓱᑦᑎᒥᓄᑦ ᓄᓇᓕᓐᓂ 14-ᓂ. ᓄᐃᑦᓯᓂᖃᕐᑎᓗᒋᑦ ᑐᖕᖓᓱᑦᑎᑕᐅᓐᓂᒥᔪᖅ ᒪᑭᕝᕕᐅᑉ ᐊᖓᔪᕐᖄᖓᑦ, ᐱᑕ ᐋᑕᒥ, ᐱᒋᐊᖕᙰᓚᐅᕐᓯᒪᔪᖅ ᖃᓄᐃᖕᖏᓯᐊᕐᓂᖅ ᐊᓂᕐᕋᒥ.

ᐊᕐᕌᒍᓂ 22-ᓂᑦ ᐱᒍᑦᔨᓯᒪᓕᕐᓱᓂ, KMHB-ᒃᑯᑦ ᓄᑕᐅᓯᓕᕐᑐᐃᓴᕋᑕᕐᑐᑦ ᑕᕐᓴᒥᓂᒃ ᑐᕌᕐᓂᖃᕋᓱᐊᕐᑎᓗᒍ ᐱᑦᔪᑎᒋᔭᒥᓂᒃ ᖃᓂᑕᑖᖁᓪᓗᒋᓪᓗ ᓄᓇᕕᒻᒥ ᐃᓪᓗᓕᓐᓄᑦ. ᓄᑖᖅ ᑕᕐᓴᖓ ᓇᓗᓀᕐᓯᔪᖅ ᑎᒥᐅᔫᑉ ᐊᔪᐃᓐᓇᕈᑎᒋᔭᖓᓂᒃ ᐅᓪᓗᒥᐅᓕᕐᑐᒧᑦ ᓄᑕᐅᓯᓕᕐᑐᓯᒪᔪᓂᑦ ᐃᓪᓗᓕᐅᕋᓱᐊᕈᒪᓂᕐᒥᓄᑦ ᐊᒻᒪᓗ ᐱᒍᑦᔨᐅᑎᒋᔭᒥᓐᓂ, ᐊᑐᕐᑕᐅᑎᑦᓯᒐᓱᐊᖏᓐᓇᓗᑎᑦ ᐱᒻᒪᕆᐅᔪᖁᑎᓂᑦ ᐆᑦᑑᑎᒋᓗᒍ ᐃᓚᒌᑦ ᐊᒻᒪᓗ ᓄᓇᓅᓕᖓᔪᑦ.

“ᓄᑖᖅ ᐊᑦᔨᖑᐊᖅ […] KMHB-ᒃᑯᑦ ᐊᒻᒪᓗ ᐃᓪᓗᓕᕆᕕᕐᔪᐊᑯᑦ ᑐᕌᒐᕆᔭᖓᓂᒃ ᓴᐳᒻᒥᔪᖅ ᓯᕗᓂᕐᒧᑦ ᑐᕌᕐᓂᖃᕋᓱᐊᕐᓂᑯᑦ ᐱᐅᓯᐅᒦᒋᐊᕋᓱᓐᓂᒧᑦ ᐊᒻᒪᓗ ᒪᑭᑕᑦᓯᐊᒍᓐᓇᓯᐊᕐᑐᓂᒃ ᐃᓪᓗᖃᕐᑎᓯᕙᓪᓕᐊᒐᓱᐊᕐᓂᑯᑦ ᓄᓇᕕᒻᒥ, ᐅᖃᕐᑐᕕᓂᖅ ᒪᕐᑰ ᐊᐅᑎᐊᑦ, ᑲᔪᓯᒃᑫᔨ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᖓᓂ. KMHB-ᒃᑯᓄᑦ, ᐊᓪᓗᕆᐊᒍᑎᐅᕗᖅ ᓄᑖᒧᑦ ᐱᐅᓯᐅᓕᕐᑐᒧᑦ ᑐᓴᐅᒪᖃᑎᒌᓐᓂᐅᔪᓄᑦ ᐅᖄᖃᑎᒌᓐᓃᓗ ᐱᔭᕐᓃᑑᒍᓐᓀᓗᑎᒃ, ᓴᐴᓗᑦᓯᔪᓂᓪᓗ ᐲᔦᒍᒪᑦᓱᑕ ᖃᓂᑕᑖᕐᐸᓕᐊᓗᑕᓗ ᐊᑦᑕᑐᒐᓕᓐᓄᑦ ᐃᓪᓗᓂᒃ ᐊᒻᒪᓗ ᐱᓇᓱᐊᖃᑎᒌᓲᑦᑎᓂ.”

ᐊᑦᔨᖑᐊᖅ ᐱᐅᓴᕐᑕᐅᔪᕕᓂᖅ LG2-ᒃᑯᓄᑦ ᐱᔪᒪᔭᐅᑎᑦᓯᒐᓱᐊᕈᑎᓂᑦ ᓴᐳᒻᒥᕕᒃ, ᐱᓇᓱᐊᕐᓂᖃᓲᖑᑦᓱᑎᓪᓗ ᑖᒃᑯᐊ ᑎᒥᐅᔪᐃᑦ ᑕᕐᓴᖏᓐᓂᒃ ᑕᑯᑦᓴᐅᑎᑦᓯᒍᑎᖏᓐᓂᑦ ᐊᑦᔨᒌᖕᖏᑐᓂᑦ ᑎᒥᐅᔫᔪᓂᑦ. ᓴᐳᒻᒥᕕᒃ ᐱᓇᓱᐊᖃᑎᖃᕐᓯᒪᔪᖅ KMHB-ᒃᑯᑦ ᑲᑎᖕᖓᔨᖏᓐᓂᑦ ᐊᒻᒪᓗ ᐊᐱᕐᓲᔭᖃᑦᑕᓱᑎᑦ ᓄᓇᕕᒻᒥᐅᓂ ᐃᓱᒪᑖᕐᕕᒋᕋᓱᐊᕐᓱᒋᑦ. ᓄᑖᖅ ᑕᕐᓴᖅ ᐊᓪᓚᖑᐊᕐᑕᐅᔪᕕᓂᖅ ᒫᑭ ᓇᐹᕐᑐᒧᑦ, ᐃᓅᑦᓱᓂ ᑕᑯᑦᓴᐅᔪᓂᑦ ᑕᑯᒥᓇᕐᑐᓕᐅᓲᖅ, ᐱᓇᓱᐊᖃᑎᖃᕐᓯᒪᑦᓱᓂᓪᓗ LG2 ᐱᓇᓱᑦᑎᖏᓐᓂᑦ.

ᑕᑯᓐᓇᕋᑦᓴᒥ ᓄᐃᑎᑕᐅᔪᕕᓂᖅ ᑕᕐᓴᐅᑉ ᐱᑦᔪᑎᓪᓚᕆᖓ, ᑕᑯᒍᓐᓇᑐᒍᑦ ᓄᐃᑎᑕᐅᑎᓪᓗᒍ ᑐᑭᓯᓇᕐᑎᑕᐅᒪᓂᖓ ᐊᕙᑎᑦᑎᓅᓕᖓᓂᖓ ᐊᒻᒪᓗ ᑐᑭᓯᓇᕐᑎᓯᓕᐅᒥᑦᓱᓂ ᖃᓄᖅ ᑐᕌᒐᕆᔭᐅᔪᑦ ᐱᑦᔪᑎᖃᕐᒪᖔᑦ, ᑕᒪᓐᓇᓗ ᐃᓚᒌᓕᒫᓂᑦ ᐊᓂᕐᕋᓕᓕᒫᓂᑦ ᖃᐅᒻᒪᑎᑦᓯᓂᖅ. 

ᑖᓐᓇ ᓄᑖᖅ ᐊᑦᔨᖑᐊᖅ ᓄᐃᑕᑎᑦᓯᕗᖅ KMHB-ᒃᑯᑦ ᐱᓂᐊᕐᓂᕆᒍᒪᔭᖏᓐᓂᒃ ᐱᐅᓯᐅᒦᒋᐊᕋᓱᐊᕐᓂᑯᑦ ᖃᓂᑕᖃᕐᓂᑯᑦ ᐃᓪᓗᓕᓐᓂᒃ ᐊᒻᒪᓗ ᓄᓇᕕᒻᒥᐅᓕᒫᓂᑦ.  ᐊᒥᓱᐃᑦ ᓱᒋᐊᕈᑎᑦᓭᑦ ᐊᑑᑎᔭᐅᓛᕐᑐᑦ ᐊᓪᓚᕕᒻᒪᕆᒻᒧᑦ ᐅᖃᕐᑕᒥᓂᒃ ᑲᔪᓯᐅᑦᔨᖁᓪᓗᒋᑦ. ᑕᒪᒃᑯᐊ ᓱᒋᐊᕐᓃᑦ ᐃᓚᖓᑦ, ᖃᓄᐃᖕᖏᓯᐊᕐᓂᖅ ᐊᓂᕐᕋᒥ ᐱᒋᐊᖕᖓᐅᑎᖓ ᓄᐃᑕᐅᓛᕐᑐᖅ ᐃᓪᓗᓖᑦ ᐃᓱᒪᒋᔭᒥᓂᑦ ᑐᓂᓯᖃᑦᑕᖁᓪᓗᒋᑦ ᐃᓪᓗᒥᑕ ᒥᑦᓵᓅᓕᖓᔪᓂᑦ ᖃᕆᑕᐅᔭᑎᒍᑦ.

ᑭᖑᓪᓕᐹᒥ KMHB-ᒃᑯᑦ ᖃᐅᔨᓴᕐᓂᓕᕕᓃᑦ ᖃᕆᑕᐅᔭᑎᒍᑦ 2020-ᐅᑎᓪᓗᒍ. ᐅᓐᓂᑑᑎᐅᔪᕕᓂᖅ ᐊᓪᓚᕕᓐᓂ ᐊᑐᓂ ᐃᑦᓯᕕᑦᑖᑐᑦᓴᐅᓂᖏᓐᓄᑦ ᐃᓚᐅᑎᓪᓗᒍ ᖃᕆᑕᐅᔭᑎᒍᑦ ᑕᑕᕐᓴᕋᑦᓭᑦ. ᑖᒃᑯᐊ ᑐᓴᐅᒪᑎᑦᓯᒍᑏᑦ ᓄᐊᑕᐅᓯᒪᔪᑦ ᑐᓂᔭᐅᓐᓂᒥᔪᑦ ᒪᑭᕝᕕᑯᓐᓄᑦ ᐃᑲᔪᕐᓯᖁᓪᓗᒋᑦ ᑲᔪᓯᑎᑦᓯᒐᓱᐊᕐᓂᒥᒃ ᐊᓯᑦᔩᐸᓪᓕᐊᓂᒃᑯᑦ ᐃᓪᓗᐃᑦ ᐋᕐᕿᓯᒪᒍᓯᖏᓐᓂᑦ.

 

- 30 -

 

ᑭᓇᒃᑰᓂᕗᑦ :

ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᒪᑭᑎᑕᐅᓚᐅᕐᓯᒪᔪᖅ 1999-ᖑᑎᓪᓗᒍ ᐱᑕᖃᕐᑎᓯᖁᓪᓗᒍ ᐃᓱᐊᕐᑐᓂᒃ, ᐊᑦᑕᓇᖕᖏᑐᓂᒃ, ᐊᒻᒪᓗ ᐊᑭᑐᔫᖕᖏᑐᓂᒃ ᐃᓪᓗᓂᒃ ᐃᓂᓪᓚᖓᔪᑦᓴᐅᑎᓪᓗᒋᑦ ᐃᓄᐃᑦ ᑭᖕᖒᒪᒋᔭᖏᑎᒍᑦ ᐃᓗᕐᖁᓯᖏᑎᒍᓪᓗ. ᐸᕐᓇᓯᒪᔭᖏᑎᒍᑦ ᐊᒻᒪᓗ ᐱᒍᑦᔨᓂᕐᒥᒍᑦ, ᑐᓂᕐᕈᓯᐊᖃᓲᖅ ᐱᕙᓪᓕᐊᑎᑦᓯᒪᓂᒃᑯᑦ ᕿᑦᑌᖓᔪᓂᒃ, ᒪᑭᑕᑦᓯᐊᒍᓐᓇᑐᓂ ᐊᒻᒪᓗ ᐊᑦᑕᓇᖕᖏᑐᓂ ᓄᓇᓕᓐᓂ.

KMHB-ᒃᑯᑦ ᐃᓪᓗᖁᑎᖏᑦ 98%-ᓂᒃ ᓄᓇᕕᒻᒥᐅᓂᑦ ᐃᓪᓗᖃᕐᑎᓯᔪᖅ, ᐅᓄᕐᓂᓕᒫᖏᑦ ᑲᑎᓕᕋᒥᒃ 14,000-ᒐᓓᑦ ᐃᓄᐃᑦ. ᐃᓚᒋᐊᕐᓱᒍ ᐱᒍᑦᔨᓱᓂ ᓯᖁᒥᓯᒪᔪᓐᓂᐊᓂᒃᑯᑦ ᐊᒻᒪᓗ ᐊᐅᓚᑦᓯᓂᒃᑯᑦ ᐃᓪᓗᓂᑦ ᑲᑎᓕᒫᕐᓱᒋᑦ ᐅᓄᕐᓂᖃᕐᓱᑎᒃ 4,000 ᐅᖓᑖᓄᑦ ᐃᓪᓗᐃᑦ 2022 ᐱᒋᐊᕐᓱᒍ, KMHB ᐱᐅᓯᐅᒦᕙᓪᓕᐊᕈᒪᔪᑦ ᐃᓪᓗᐃᑦ ᖃᓄᐃᓕᖓᓂᖏᓐᓄᑦ ᓴᐳᒻᒥᓂᖃᓲᓂᑦ ᐃᓚᒌᑦᑐᐃᑦ ᐃᓅᓯᖏᓐᓂ.

ᐃᓄᐃᑦ ᐊᒥᓱᖕᖑᕙᓪᓕᐊᑐᐃᓐᓇᑐᑦ ᓱᑲᑦᑐᒥᒃ ᑯᐯᒃᓕᒫᑉ ᐃᓄᖁᑎᖏᑦᑕ ᐊᒥᓱᖕᖑᕙᓪᓕᐊᓂᖏᑦᑕ ᓴᓂᐊᓂ ᐊᒻᒪᓗ ᐃᓪᓘᑉ ᐃᓗᐊᓂ ᐃᓄᐃᑦ ᐊᒥᓲᒐᓪᓕᓂᕐᓴᐅᓱᑎᑦ ᓄᓇᕕᒻᒥ ᖃᓪᓗᓈᑦ ᓄᓇᖓᓃᑦᑐᐃᑦ ᓴᓂᐊᓂ. 225-ᓄᑦ ᐱᓇᓱᑦᑎᖁᑎᒥᓄᑦ ᓴᐳᒻᒥᔭᐅᓂᕐᒥᓄᑦ (85% ᐃᓄᑐᐃᓐᓇᐅᓱᑎᑦ) KMHB-ᒃᑯᑦ ᐊᓪᓚᕕᖁᑎᖏᓐᓂ ᐱᓇᓱᐊᕐᓱᑎᑦ ᒪᑭᑕᒍᓐᓇᓚᕿᔪᖅ ᐃᓪᓗᓕᕆᕕᕐᔪᐊᖅ ᐅᓪᓗᑕᒫᖅ ᐱᓀᓗᑦᓯᐅᑎᓂ ᑐᑭᑖᕆᒍᓐᓇᓯᖃᑦᑕᓱᑎᒃ.

 

ᑐᑭᓯᒋᐊᑦᓯᐊᕈᒪᒍᕕᑦ, ᐅᖄᕕᒋᓗᒍ:

ᒪᕇ-ᑯᕆᔅᑏᓐ ᕙᓃ
ᑐᓴᐅᒪᖃᑎᒌᑦᑎᓯᓂᕐᒥᒃ ᑐᑭᒧᐊᕐᑎᓯᔨ
819-964-2000, ᓂᕐᓂᓗᒍ. 276

ᓰᓕᐊ ᐱᓐᓵᓐ
ᑐᓴᐅᒪᖃᑎᒌᑦᑎᓯᕕᒻᒥ ᐊᓪᓚᕕᒻᒦᑎ
819-964-2000, ᓂᕐᓂᓗᒍ. 227

 

ᐱᑐᑦᓯᒪᖃᑎᐅᒋᑦ 

Facebook: https://www.facebook.com/kmhbqc/
Instagram: https://www.instagram.com/kmhb.omhk/
LinkedIn: https://www.linkedin.com/company/omhk/

 

 

 

819 964-2000

Toll Free: 1-833-229-2008

Kativik Municipal Housing
Bureau

 P.O.Box 1200,
Kuujjuaq, Quebec
J0M 1C0