ᑰᑦᔪᐊᖅ, ᓄᓇᕕᒃ – ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᑐᖕᖓᓱᑦᑎᓯᕐᖃᒥᓚᐅᕐᑐᖅ ᓲᓱᒋᔭᐅᔫᓐᓂᒃ ᙯᕐᖁᔭᐅᓯᒪᔫᓐᓂᒃ ᖁᕕᐊᓲᑎᖃᕐᓂᒧᑦ 12-ᖑᒍᑎᒋᓕᕐᑕᖓᓂᒃ ᐃᓪᓗᖃᕐᓂᐅᑉ ᐅᓪᓗᖓᑕ. ᐃᓪᓗᓕᕆᓂᕐᒧᑦ ᑐᕐᖃᑕᕐᕕᒃ ᕙᕌᓐᔅ-ᐃᓓᓐ ᑐᕌᓐᓲ ᐊᒻᒪᓗ ᑯᓘᑦ ᕚᔅᑐ, ᐊᐅᓚᑦᓯᔨᖓ ᑯᐯᒃ ᐃᓪᓗᓕᕆᔨᕐᔪᐊᑯᖏᑦᑕ, ᖁᕕᐊᓱᒻᒪᕆᑦᓱᑎᒃ ᐃᓚᐅᓚᐅᕐᖂᒃ ᐸᕐᓇᑕᐅᓯᒪᔪᓄᑦ ᓱᖃᑦᓯᓂᕐᓄᑦ.

_{ᓴᐅᒥᐊᓂᑦ ᑕᓕᕐᐱᐊᓄᑦ: ᒫᑯ ᐆᑎᐊᑦ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᒪᔨᒻᒪᕆᖓ; ᓵᒥ ᑕᖕᑲᓐ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᑎᖕᖓᔨᖏᑦᑕ ᐊᖓᔪᕐᖄᖓ; ᕙᕌᓐᔅ-ᐃᓓᓐ ᑐᕌᓐᓲ, ᑯᐯᒃ ᑐᕐᖃᑕᕐᕕᖓ ᐃᓪᓗᓕᕆᓂᕐᒧᑦ; ᑯᓘᑦ ᑳᑦᐳᐊ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᑎᖕᖓᔨᖏᑦᑕ ᐊᖓᔪᕐᖄᖓᑕ ᑐᖓᓕᐊ; ᓵᓕ ᑑᕃ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᒪᔨᒻᒪᕆᖓᑕ ᑐᖓᓕᖓ; ᑯᓘᑦ ᕚᔅᑐ, ᑯᐯᒃ ᐃᓪᓗᓕᕆᔨᕐᔪᐊᑯᖏᑦᑕ ᐊᐅᓚᑦᓯᔨᖓ.}

 
ᐅᓪᓗᓂᒃ ᐱᖓᓱᓂᒃ, ᑲᕙᒪᒃᑯᓂᑦ ᐱᓯᒪᔫᒃ ᐱᒻᒪᕆᐅᔫᒃ ᐃᓚᐅᖃᑕᐅᓪᓚᕆᓚᐅᕐᑑᒃ ᓇᒻᒥᓂᖅ ᓄᓇᕕᒻᒥ ᐅᑭᐅᕐᑕᑐᒥ ᓄᓇᓖᑦ ᐊᑑᑎᓪᓚᕆᑦᑕᖏᓐᓄᑦ, ᐃᑉᐱᒋᔭᖃᕐᓱᑎᒃ ᐊᑦᔨᐅᖏᑦᑐᒥᒃ ᐃᓪᓗᐃᓂᐊᕐᓂᒥᒃ ᐊᒻᒪᓗ ᐃᓱᒫᓘᑎᐅᔪᓂᒃ ᑕᒫᓂ ᓄᓇᒥ. ᐸᕐᓇᑕᐅᓯᒪᔪᑦ ᐊᑐᐃᓐᓇᕈᕐᑎᑕᐅᔪᕕᓃᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒧᑦ ᐱᕕᑦᓴᖃᕐᑎᓯᓚᐅᕐᑐᑦ ᙯᕐᖁᔭᐅᓯᒪᔫᓐᓂᒃ ᑲᑎᓯᓂᕐᒥᒃ ᓄᓇᓕᒻᒥ ᐱᓇᓱᑦᑎᓂᒃ ᐊᒻᒪᓗ ᐱᓇᓱᐊᖃᑎᒌᑦᑐᓂᒃ, ᐳᓚᕋᕐᓱᑎᒃ ᐊᓂᕐᕋᐅᔪᓄᑦ ᐊᒻᒪᓗ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᐱᓇᓱᕝᕕᖏᓐᓄᑦ, ᐊᒻᒪᓗ ᖃᐅᔨᑦᓯᐊᓱᑎᒃ ᐊᑦᔨᐅᖏᑦᑐᒥᒃ ᖃᓄᐃᓕᖓᓂᖓᓂᒃ ᓄᓇᕕᐅᑉ.

 
_{ᑐᕐᖃᑕᕐᕕᒃ ᐃᓪᓗᓕᕆᓂᕐᒧᑦ ᐊᒻᒪᓗ ᐊᖓᔪᕐᖄᖓ-ᑲᒪᔨᒻᒪᕆᖓ ᑯᐯᒃ ᐃᓪᓗᓕᕆᔨᕐᔪᐊᑯᖏᑦᑕ ᐳᓚᕋᕐᑑᒃ ᐃᓪᓗᖁᑎᖏᓐᓄᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ.} 

ᑖᓐᓇ ᐳᓚᕋᕐᓂᖅ ᐱᕕᑦᓴᓯᐊᒻᒪᕆᐅᓚᐅᕐᑐᖅ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒧᑦ ᖃᐅᔨᔭᐅᑎᑦᓯᓂᕐᒥᒃ ᐊᑦᓱᕈᕈᑎᖏᓐᓂᒃ ᐊᒻᒪᓗ ᐱᒍᒪᔭᖏᓐᓂᒃ ᓄᓇᕕᒻᒥᐅᑦ. ᑐᕌᒐᖓ ᑐᑭᓯᓇᑦᓯᐊᑐᖅ: ᐱᓇᓱᖃᑎᒌᓐᓂᖅ ᐱᐅᓯᒋᐊᕆᓂᕐᒥᒃ ᐃᓪᓗᓂᒃ 14-ᓂ ᓄᓇᓕᓐᓂ ᐊᒻᒪᓗ ᑌᒣᓪᓗᑎᒃ ᖃᓄᐃᖕᖏᓯᐊᕐᑎᓯᒐᓱᐊᕐᓗᑎᒃ ᐃᓪᓗᒥᒃ ᐊᑦᑕᑐᕐᑐᓂᒃ. 

_{ᐳᓛᕆᐊᕐᓂᖅ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᓱᓇᒐᓚᖃᐅᑎᖓᓄᑦ ᑰᑦᔪᐊᒥ.} 

ᑐᕌᓐᓲ ᐊᒻᒪᓗ ᕚᔅᑐ ᐃᓚᐅᓚᐅᔪᒻᒥᔫᒃ ᐃᓪᓗᖃᕐᓂᐅᑉ ᐅᓪᓗᖓᓂ ᓱᖃᑦᓯᓂᕐᓄᑦ, ᖁᕕᐊᓲᑎᖃᕐᓱᑎᒃ ᐱᒻᒪᕆᐅᓂᖓᓂᒃ ᐃᓪᓗᖃᕐᓂᐅᑉ ᑕᒫᓂ ᐅᑭᐅᕐᑕᑐᒥ ᓄᓇᒥ. ᐃᓚᐅᓚᐅᔫᒃ ᓱᒃᑯᑎᕆᓂᕐᒥᒃ ᐃᓕᒪᓲᑎᖃᕐᓂᒥᒃ ᐱᓱᓐᓂᒧᑦ ᐃᓚᐅᑦᓱᑎᒃ ᐃᓕᓐᓂᐊᑎᖏᓐᓄᑦ ᔮᓂᒻᒪᕆᒃ ᐳᕐᑐᓂᕐᓴᒥᒃ ᐃᓕᓐᓂᐊᕕᐅᑉ, ᐃᕐᙯᑎᑦᓯᒍᑎᐅᓚᐅᔪᒧᑦ ᐱᒻᒪᕆᐅᓂᖓᓂᒃ ᓱᒃᑯᑎᑦᓯᑌᓕᓂᐅᑉ ᐊᕙᑎᑦᑎᓂᒃ ᐃᓅᕕᒋᔭᑦᑎᓂᒃ. 

_{ᓱᒃᑯᑎᕆᓂᕐᒥᒃ ᐃᓕᒪᓲᑎᖃᕐᓂᒥᒃ ᐱᓱᓐᓂᖅ ᑰᑦᔪᐊᒥ.} 

ᑭᖑᓂᖓᒍᑦ ᐳᓛᕆᐊᕐᓂᖏᑦᑕ, ᑐᕐᖃᑕᕐᕕᒃ ᑐᕌᓐᓲ ᐊᒻᒪᓗ ᑯᐯᒃ ᐃᓪᓗᓕᕆᔨᕐᔪᐊᑯᖏᑦᑕ ᐊᐅᓚᑦᓯᔨᖓ ᐅᖃᓚᐅᔫᒃ ᐊᖏᕐᓯᒪᓂᕐᒥᓂᒃ ᓴᐳᑦᔨᓂᕐᒧᑦ ᐱᓇᓱᐊᕐᓂᓂᒃ ᑐᕌᕐᑕᓕᓐᓂᒃ ᐱᐅᓯᒋᐊᕆᓂᕐᒥᒃ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᐃᓪᓗᖁᑎᖏᓐᓂᒃ ᐊᑦᑕᑐᕐᑕᐅᓲᓂᒃ, ᐊᒻᒪᓗ ᐱᕙᓪᓕᐊᑎᑦᓯᓂᕐᒥᒃ ᓄᑖᓂᒃ ᐃᓪᓗᓕᐊᖑᒍᓐᓇᑐᓂᒃ ᓄᓇᕕᒻᒥ.

_{ᐃᓪᓗᓕᕆᓂᕐᒧᑦ ᑐᕐᖃᑕᕐᕕᒃ ᑲᑎᓯᔪᖅ ᐃᓪᓗᒥᒃ ᐊᑦᑕᑐᕐᑐᓂᒃ ᑰᑦᔪᐊᒥ.} 

ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᑲᔪᓯᒍᒪᓪᓚᕆᑦᑐᖅ ᐱᓇᓱᐊᖃᑎᖃᕐᓂᒥᓂᒃ ᑯᐯᒃ ᐃᓪᓗᓕᕆᔨᕐᔪᐊᑯᖏᓐᓂᒃ, ᕿᑦᑌᖓᓇᕐᑑᓚᖓᔪᒥᒃ ᐊᒻᒪᓗ ᐱᐅᔪᓂᒃ ᓄᐃᑦᓯᓗᓂ. ᑲᑐᑦᔨᓗᑎᒃ ᐱᒻᒪᕆᐅᔪᖁᑎᖏᓪᓗ ᐱᓇᓱᐊᖃᑎᖏᑦ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᓯᕗᓂᓕᐅᕈᒪᕗᖅ ᐃᓘᓐᓇᑎᒃ ᐅᑭᐅᕐᑕᑐᒥ ᓄᓇᓖᑦ ᐱᕈᕐᐸᓕᐊᑦᓯᐊᕕᒋᒍᓐᓇᑕᖓᓂᒃ, ᐊᒻᒪᓗ ᓄᓇᕕᒻᒥᐅᓕᒫᑦ ᐱᐅᔪᓂᒃ ᐃᓪᓗᖃᕐᕕᒋᒍᓐᓇᑕᖓᓂᒃ. 

_{ᑲᑎᑦᑕᕕᐅᑉ ᑕᕐᕋᓕᔮᕐᕕᖓᓂ (ᑲᕙᒫᐱᒃᑯᑦ), ᑰᑦᔪᐊᒥ – ᓴᐅᒥᐊᓂᑦ ᑕᓕᕐᐱᐊᓄᑦ: ᑯᓘᑦ ᕚᔅᑐ, ᑯᐯᒃ ᐃᓪᓗᓕᕆᔨᕐᔪᐊᑯᖏᑦᑕ ᐊᐅᓚᑦᓯᔨᖓ; ᓵᓕ ᑑᕃ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᒪᔨᒻᒪᕆᖓᑕ ᑐᖓᓕᖓ; ᑯᓘᑦ ᑳᑦᐳᐊ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᑎᖕᖓᔨᖏᑦᑕ ᐊᖓᔪᕐᖄᖓᑕ ᑐᖓᓕᖓ; ᕙᕌᓐᔅ-ᐃᓓᓐ ᑐᕌᓐᓲ, ᑯᐯᒃ ᑐᕐᖃᑕᕐᕕᖓ ᐃᓪᓗᓕᕆᓂᕐᒧᑦ; ᓵᒥ ᑕᖕᑲᓐ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᑎᖕᖓᔨᖏᑦᑕ ᐊᖓᔪᕐᖄᖓ; ᒫᑯ ᐆᑎᐊᑦ, ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᑲᒪᔨᒻᒪᕆᖓ; ᐹᓪ ᐸᐅᓴᓐ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᒪᔨᒻᒪᕆᖓ ᒫᓐᓇᓯᐅᑎ; ᐃᕚᓐ ᓗᐱᐁ, ᓇᐅᓕᒫᓂᒃ ᐱᓇᓱᖃᑎᖃᕐᓂᓕᕆᕕᒃ ᐊᖓᔪᕐᖄᑉ ᑐᖓᓕᖓ, ᓈᓴᓄᓪᑯᓐᓂ.} 

 

ᑐᑭᓯᒋᐊᑦᓯᐊᕈᒪᒍᕕᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᒥᑦᓵᓄᑦ ᐊᒻᒪᓗ ᐱᓇᓱᐊᕐᑕᖏᑦᑕ, ᑕᑯᒋᐊᕈᒃ ᐱᕙᓪᓕᐊᔪᖁᑎᑦᑕ ᓄᐃᑕᕕᖓ ᖃᕆᑕᐅᔭᒃᑯᑦ ᐅᕗᖓ https://www.omhkativikmhb.qc.ca/ui/all-news-ui 

 

 

 

819 964-2000

Toll Free: 1-833-229-2008

Kativik Municipal Housing
Bureau

 P.O.Box 1200,
Kuujjuaq, Quebec
J0M 1C0