ᑐᓴᕋᑦᓴᖅ | ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᑌᔭᐅᒍᓯᖅ ᐊᓯᑦᔨᓂᖓᓄᑦ ᑐᓴᕐᑎᓯᒍᑎ

ᑐᓴᕋᑦᓴᖅ | ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᑌᔭᐅᒍᓯᖅ ᐊᓯᑦᔨᓂᖓᓄᑦ ᑐᓴᕐᑎᓯᒍᑎ.pdf

 

ᑐᓴᕋᑦᓴᖅ
ᑕᒉᓐᓇᓭᓐᓇᖅ ᑐᓴᕐᑎᓯᐅᑎᐅᒋᐊᓕᒃ

 

ᑰᑦᔪᐊᖅ, ᑯᐯᒃ (ᑏᓯᒻᐱᕆ 5, 2023)  – ᐅᐱᒍᓲᑎᒋᓪᓚᕆᑦᓱᒍ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᑦ, ᑎᓕᔨᒍᑎᖃᕐᓱᓂ ᐱᒍᑦᔨᓂᕐᒧᑦ 14-ᓂᑦ ᐃᓄᑐᐃᓐᓀᑦ ᓄᓇᓕᖏᓐᓂᑦ ᐱᑦᔪᑎᑦᓴᖃᕐᑎᓯᓂᕐᒧᑦ, ᐊᐅᓚᑦᓯᓂᓕᕆᓂᕐᒧᑦ, ᐊᒻᒪᓗ ᓱᒃᑯᑌᓕᑎᑦᓯᓂᕐᒧᑦ ᑭᓇᒃᑯᑐᐃᓐᓀᑦ ᐃᓪᓗᖁᑎᖏᓐᓂᑦ ᐊᑐᐃᓐᓇᐅᑎᑕᐅᔪᓂ ᐃᓄᓐᓄᑦ ᐊᒻᒪᓗ ᐃᓚᒌᑦᑐᓄᑦ, ᑐᓴᕐᑎᓯᒍᓐᓇᓯᕗᑦ ᑌᔭᐅᒍᓯᖓ ᐊᓯᑦᔨᓯᒻᒪᑦ. ᓄᐃᑦᓯᒍᑎᖓ, ᑎᒥᐅᔪᖅ ᐊᐅᓚᑕᐅᓂᖃᓂᐊᓕᕐᑐᖅ ᑌᔭᐅᓂᖃᓂᐊᓕᕐᓱᓂ ᐃᓪᓗᓕᕆᔨᒃᑯᑦ ᐊᓪᓚᕕᖓ ᓄᓇᕕᒻᒥ (NHB).

ᑖᑦᓱᒪ ᑌᔭᐅᒍᓯᖓ ᐊᓯᑦᔨᑕᐅᓂᖓ ᐱᐅᓂᕐᓴᒥᒃ ᑐᕌᕐᓂᖃᑦᓯᐊᑐᒥᒃ ᑐᖕᖓᕕᖃᕐᓂᐊᓕᕐᑐᖅ ᓄᓇᕕᒻᒨᓕᖓᑦᓯᐊᓱᓂ ᐊᒻᒪᓗ ᓄᓇᓕᓐᓂᑦ ᐱᒍᑦᔭᒥᓄᑦ. ᑐᕌᕐᓂᖃᑦᓯᐊᓱᓂᓪᓗ ᐊᓯᑦᔨᑕᐅᓯᒪᔪᓄᑦ ᐊᕐᕌᒎᑉ ᐱᒋᐊᕐᓂᖓᓂ ᓄᑖᒥᒃ ᑕᕐᓴᑖᕐᑐᕕᓂᐅᓂᕐᒧᑦ ᐊᒻᒪᓗ ᖃᓄᐃᑦᑑᓂᖓᓄᑦ ᑕᑯᑦᓴᐅᑎᑦᓯᒍᑎᖓ. “ᓄᑖᖅ ᑕᑯᑦᓴᐅᑎᑦᓯᒍᑎᕗᑦ ᐊᒻᒪᓗ ᑖᓐᓇ ᓄᑖᖅ ᑌᔭᐅᒍᓯᖓ ᓴᐳᒻᒥᓚᕆᑦᑐᖅ NHB-ᑯᑦ ᐃᓱᒪᒋᔭᖓᒍᑦ ᐊᒻᒪᓗ ᑲᑎᖕᖓᔩᑦ ᐱᒍᒪᓂᖃᓪᓚᕆᓐᓂᖏᓐᓄᑦ ᑭᒡᒐᑐᑦᓯᐊᓂᕐᒥᒃ ᐃᓄᓐᓂᒃ ᐊᒻᒪᓗ ᓄᓇᕕᒻᒥᒃ. ᑕᒪᓐᓇ ᓴᖑᒪᑎᑦᓯᒍᑎᓪᓚᕆᒃ ᓯᕗᓂᕐᒧᑦ ᐱᒻᒪᕆᐅᔪᖁᑎᒋᔭᐅᔪᓄᑦ ᐱᐅᓯᐅᒦᒋᐊᕐᓂᒧᑦ ᐊᒻᒪᓗ ᑲᔪᓯᒍᓐᓇᑐᓂ ᐱᕕᖃᕐᑎᓯᓂᕐᒧᑦ ᐃᓪᓗᖁᑎᓂ ᓄᓇᕕᒻᒥ,” ᐅᖃᕐᑐᕕᓂᖅ ᑲᒪᔨᒻᒪᕆᒃ ᒪᒃᑰ ᐊᐅᑎᐊᑦ. ᑌᔭᐅᒍᓯᖓ ᐊᓯᑦᔨᑕᐅᒍᑎ ᐊᑐᑎᓕᕐᑎᑕᐅᕙᓪᓕᐊᓯᓂᐊᕐᑐᖅ ᐱᓇᓱᐊᕈᓯᓐᓂ ᙯᔪᓂ ᐊᒻᒪᓗ ᑕᕐᕿᓂ ᙯᔪᓂ.

ᖃᓄᐃᑦᑑᓂᖓ ᐃᓪᓗᓕᕆᔨᒃᑯᑦ ᐊᓪᓚᕕᖓ ᓄᓇᕕᒻᒥ

ᐃᓪᓗᓕᕆᔨᒃᑯᑦ ᐊᓪᓚᕕᖓ ᓄᓇᕕᒻᒥ (ᑌᔭᐅᒍᓯᖃᕐᓯᒪᔪᖅ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ) ᑎᒥᐅᔫᑦᓱᓂ ᖄᖏᕐᓂᑯᓕᐅᕐᑎᐅᖏᑦᑐᖅ ᐊᒻᒪᓗ, ᐱᑦᔪᑎᒋᑦᓱᒋᑦ ᐱᓇᓱᐊᖃᑎᒌᓐᓂᖏᓐᓄᑦ ᐱᓇᓱᑦᑏᑦ 225 ᐃᑲᔪᕈᓯᑦᓯᑎᐅᑦᓱᑎᒃ ᐱᓇᓱᑦᑏᑦ (85% ᐃᓄᑐᐃᓐᓇᐅᓱᑎᒃ) ᐱᓇᓱᑦᑐᑦ 14-ᓂᑦ ᐊᕕᑦᑐᓯᒪᔪᓂ ᐊᓪᓚᕕᐅᔪᓂ, ᐱᒍᑦᔨᓂᖃᓲᑦ 98%-ᓂᑦ ᐃᓄᑐᐃᓐᓇᓂᑦ ᐃᓪᓗᓯᐊᓂᒃ ᐃᓱᐊᕐᑐᓂᒃ, ᐊᑦᑕᓀᑦᑐᓂᒃ ᐊᒻᒪᓗ ᐊᑭᑐᔫᖕᖏᑐᓂᒃ ᐃᓪᓗᖃᕐᑎᓯᑦᓱᑎᒃ ᐱᖃᕐᑎᑕᐅᑦᓱᑎᒃ ᑭᖕᖒᒪᒋᔭᖏᑎᒍᑦ ᐊᒻᒪᓗ ᐃᓗᕐᕈᓯᖏᑎᒍᑦ.

 

 

ᖃᐅᔨᓴᕈᒪᒍᕕᑦ, ᐅᖄᕕᒋᓗᒍ:

ᐸᑦᕆᔅ ᓭᓐ-ᐊᒨᕐ 
ᑐᓴᐅᒪᖃᑎᒌᑦᑎᓯᓂᕐᒥᒃ ᑲᒪᔨᒻᒪᕆᒃ
819 964-2000, ᓃᓂᕐᓗᒍ. 276 

ᓰᓕᐊ ᐱᓐᓴᓐ 
ᑐᓴᐅᒪᖃᑎᒌᑦᑎᓯᓂᕐᒥᒃ ᑲᒪᔨ
819 964-2000, ᓃᓂᕐᓗᒍ. 227

 

 

 

 

 

819 964-2000

Toll Free: 1-833-229-2008

Kativik Municipal Housing
Bureau

 P.O.Box 1200,
Kuujjuaq, Quebec
J0M 1C0