ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᐃᓂᖃᕐᑎᓯᑦᓯᐊᓲᖑᕗᑦ, ᐊᑦᑕᓇᖕᖏᑐᓂᒃ ᐊᑭᑐᔫᒐᑎᓪᓗ ᐃᓪᓗᓂᒃ ᐃᓄᑐᐃᓐᓀᑦ ᑭᖕᖒᒪᒋᔭᖏᓐᓂᒃ ᐃᓗᕐᖁᓯᕐᒥᒍᓪᓗ ᑭᖕᖒᒪᒋᔭᖏᓐᓂᒃ. ᐱᓇᓱᐊᕐᑎᓯᒍᑎᒥᑎᒍᑦ ᐱᒍᑦᔨᒍᑎᒥᑎᒍᓪᓗ, ᐱᕈᕐᐸᓕᐊᑎᑦᓯᖃᑎᐅᔪᑦ ᕿᑦᑌᖓᔮᑦᓯᐊᑐᓂᒃ, ᓄᖑᑦᑕᖏᑦᑐᓂᒃ ᐊᑦᑕᓇᖕᖏᑐᓂᒃ ᓄᓇᓕᖃᕐᓂᒥᒃ.

ᐱᓇᓱᐊᕆᐊᓕᖏᑦ ᑲᒪᒋᒋᐊᓕᖏᓪᓗ 

ᐃᓱᐊᕐᑐᓂᒃ, ᐊᑦᑕᓇᖕᖏᑐᓂᒃ ᐊᑭᑐᔫᒐᑎᓪᓗ ᐊᓂᕐᕋᖃᕐᑎᓯᓂᖅ ᐃᓄᑐᐃᓐᓀᑦ ᑭᖕᖒᒪᒋᔭᖏᓐᓄᑦ ᑐᕌᖓᑦᓯᐊᑐᓂᒃ  ᐱᕈᕐᐸᓕᐊᑎᑦᓯᓂᐅᔪᕐᓄᓗ ᐃᓚᐅᑦᓱᑎᒃ ᓄᓇᓕᓐᓂ ᐊᑦᑕᓇᖕᖏᑐᓂᒃ ᓄᓇᓕᖃᕐᑎᓯᓂᕐᒧᑦ, ᑖᑦᓱᒥᖓ ᐱᓇᓱᒐᕐᑖᑐᖅ ᓄᑕᐅᓯᓕᕐᑎᕆᒐᔭᕐᑐᖅ ᐊᑦᔨᒌᖕᖏᑐᓂᒃ ᐱᓇᓱᐊᕐᑕᐅᔪᓂᒃ ᑎᒥᐅᔫᑉ ᑐᓴᐅᒪᑎᑦᓯᒍᑎᖏᑎᒍᑦ ᐸᕐᓇᑕᐅᓯᒪᔪᓂᒃ.

• ᐱᖕᖑᑎᑦᓯᓂᖅ ᖃᐅᔨᓴᕐᓂᓗ ᑐᓴᐅᒪᑎᑦᓯᒍᓯᕐᓂᒃ ᐊᑦᑕᑐᐊᖃᕐᑐᓄᑦ, ᐱᓇᓱᑦᑎᓄᑦ ᐱᓇᓱᐊᖃᑎᐅᔪᓄᓪᓗ ᑎᒥᖁᑎᑦᑕ ᑐᕌᕐᑕᖏᓐᓂᒃ, ᑐᑭᑖᕈᑎᖏᓐᓂᒃ ᐱᒐᓱᐊᕐᑕᖏᓐᓂᓗ.
• ᐱᓇᓱᐊᖃᑎᐅᕙᓪᓗᓂ ᓴᓇᒻᒪᓴᖏᓐᓂᒃ ᐊᓪᓚᒍᓯᐅᒐᔭᕐᑐᓂᓪᓗ ᐱᓇᓱᐊᕈᑎᓕᐅᕐᓂᒥᒃ.
• ᑎᒥᐅᔫᑉ ᖃᕆᑕᐅᔭᒃᑯᑦ ᓴᕐᕿᔮᕐᑎᓯᒍᑎᖓᓂᒃ ᓄᑕᐅᓯᓕᕐᑎᕆᖃᑎᐅᓗᓂ.
• ᓄᑕᐅᓯᓕᕐᑕᐅᑎᑦᓯᖏᓐᓇᓕᒫᕐᓗᓂ ᑎᒥᐅᔫᑉ ᖃᕆᑕᐅᔭᑎᒍᑦ ᓴᕐᕿᔮᕐᑎᓯᒍᑎᖏᓐᓂᒃ ᐃᒣᑦᑐᓂᒃ: Facebook, Instagram, ᐊᒻᒪᓗ ᐊᓯᖏᓐᓂ.
• ᐊᐱᕐᓲᑎᑦᓴᓂᒃ ᓄᐃᑦᓯᕙᓪᓗᓂ ᖃᐅᔨᓴᕈᑎᐅᓚᖓᔪᓂᒃ ᑐᑭᓯᒪᒍᑎᑦᓴᐅᓗᑎᒃ ᐱᑦᔪᔭᐅᔪᑦ ᐃᓱᒪᒋᔭᖏᓐᓂᒃ ᑭᖕᖑᒪᒋᔭᖏᓐᓂᓗ.
• ᐅᖄᔭᐅᔪᑦᓴᓂᒃ ᐊᓪᓚᑎᐅᓗᓂ, ᐊᓪᓚᖃᑦᑕᐅᑎᒍᑎᓂᒃ, ᑐᓴᕐᑎᓯᒍᑎᑦᓴᓂᒃ ᑐᓴᕋᑦᓴᑎᒎᕐᑐᓴᓂᓪᓗ.
• ᑲᑎᒪᓂᐊᕈᓯᕐᓂᒃ ᐊᑐᐃᓐᓇᕈᕐᑎᑎᐅᓗᓂ, ᑲᑎᒪᓂᕐᓂᒃ, ᑲᑎᖃᑎᒌᓐᓂᓂᒃ ᓇᓪᓕᐅᓂᕐᓯᐅᓂᕐᒧᑦ ᐊᓯᖏᓐᓂᓗ ᑐᓴᖃᑦᑕᐅᑎᒍᑎᓕᕆᕕᐅᑉ ᐱᓇᓱᐊᕐᑕᖏᓐᓂᒃ.
• ᑐᓴᕋᑦᓴᓂᐊᕐᑎᓂᒃ ᐱᓇᓱᐊᖃᑎᖃᕐᐸᓗᓂ.
• ᐊᑐᐃᓐᓇᕈᕐᑎᑎᐅᓗᓂ ᐊᐱᕐᓱᓂᐅᓚᖓᔪᓂᒃ ᑐᓴᕋᑦᓴᑎᒎᕐᓂᓂᓪᓗ.
• ᐅᖃᐅᓯᒃᑯᑦ ᐊᓪᓚᓯᒪᔪᑎᒍᓪᓗ ᐊᐱᕆᐅᑎᓂᒃ ᑭᐅᒪᔨᐅᓗᓂ.
• ᐊᓯᖏᓐᓂᓗ ᐊᖓᔪᕐᖄᖓᑕ ᑎᓕᔨᒍᑎᖏᓐᓂᒃ ᐱᓇᓱᐊᕐᐸᓗᓂ.

ᐱᒍᓐᓇᐅᑎᒋᒋᐊᓕᖏᑦ

• ᐳᕐᑐᓂᕐᓴᒋᐊᓪᓚᒥ ᑐᓴᕈᑎᓕᕆᓂᕐᒥᒃ ᐱᔭᕇᕈᓯᕐᓯᒪᓗᓂ ᓇᓪᓕᖁᐊᖓᓂᓪᓘᓃ ᐱᓇᓱᐊᕐᓯᒪᓂᖃᕐᓗᓂ
• ᐱᖓᓲᔪᕐᑐᓂᒃ (6) 18-ᓄᑦ ᑕᕐᕿᓂᒃ ᐱᓇᓱᐊᕐᓯᒪᓂᖃᕐᓗᓂ
• ᐅᑭᐅᕐᑕᑐᒥᐅᓂᒃ ᖃᐅᔨᒪᒍᓂ ᐃᓄᑐᐃᓐᓇᓂᓪᓗ ᐱᓇᓱᐊᕐᓂᖓᓂᒃ ᐃᑲᔪᕐᓯᒐᔭᕐᑐᖅ.
• (ᐱᓇᓱᐊᕐᓯᒪᓂᖓ ᐱᒍᓐᓇᓯᐊᕐᐸᑦ ᑕᐅᕐᑎᐅᒍᓐᓇᑐᖅ ᐳᕐᑐᓂᕐᓴᒋᐊᓪᓚᒥ ᐱᔭᕇᕈᓯᕐᓯᒪᒍᑎᐅᒋᐊᓕᒻᒧ);

ᐊᑐᕈᓐᓇᕆᐊᓕᖏᑦ

• ᖃᕆᑕᐅᔭᕈᑎᓂᒃ ᐊᑐᕈᓐᓇᓯᐊᕐᓗᓂ (Office suite: Word, Excel, Outlook, ᐊᓯᖏᓐᓂᓗ.) ᖃᕆᑕᐅᔭᐅᓪᓗ ᓴᕐᕿᔮᕐᑎᓯᒍᑎᖓᓂᒃ
• ᒪᕐᕉᓂᒃ ᐅᖃᐅᓰᓐᓂᒃ ᐅᖄᒍᓐᓇᓗᓂ ᐱᖓᓲᒻᒪᑕ ᓄᓇᕕᒻᒥ ᐅᖃᐅᓰᑦ ᐊᑐᕐᑕᐅᓲᑦ (ᐃᓄᒃᑎᑐᑦ, ᒍᐃᒍᐃᑎᑐᑦ ᖃᓪᓗᓈᑎᑐᓪᓘᓃᑦ)
• ᐊᒥᓱᓂ ᐱᓇᓱᐊᕐᕕᒥᓂ ᐃᑦᓯᕙᑯᑖᒍᓐᓇᓗᓂ ᐱᓇᓱᓐᓇᐅᓂᖓᓂ ᖃᕆᑕᐅᔭᕈᑎᓂᒃ ᐊᑐᕐᓗᓂ.

ᐱᓇᓱᐊᕐᓯᒪᓂᖓ/ᖃᐅᔨᒪᐅᓯᖏᓪᓗ

• ᐱᑦᔪᔭᐅᔪᓂᒃ ᐱᒍᑦᔨᒍᓐᓇᓯᐊᕐᓗᓂ;
• ᐊᑑᑎᔪᓂᒃ ᑐᑭᓯᐊᒍᓐᓇᓗᓂ ᐅᕝᕙᓗᓗᓐᓃᑦ ᐊᓪᒪᒍᑎᐅᔪᓂᒃ ᑐᑭᓯᐊᑦᓯᐊᕈᓐᓇᓗᓂ ᑐᑭᓯᔭᐅᑎᓗᒋᓪᓗ ᓈᓚᑦᑐᓄᑦ
• ᐱᓇᓱᐊᕐᑕᒥᓂᒃ ᐃᓂᓪᓚᑎᕆᑦᓯᐊᕈᓐᓇᓗᓂ ᐃᓱᓕᕝᕕᐅᔪᑦ ᒪᓕᓪᓗᒋᑦ ᐊᐅᓚᑦᓯᓂᓕᕆᔩᓪᓗ ᑐᕌᒐᖏᑦ
• ᐱᖕᖑᑎᑦᓯᒍᓐᓇᓂᕐᒥᓂᒃ ᑕᑯᑦᓴᐅᑎᑦᓯᓗᓂ
• ᐱᓇᓱᐊᖃᑎᐅᒍᓐᓇᓗᓂ

ᑮᓇᐅᑦᔭᓵᖏᑦ / ᐱᕙᓪᓕᖁᑎᖏᓪᓗ

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᑮᓇᐅᑦᔭᓵᖃᕐᑎᓯᑦᓯᐊᓲᑦ, ᐃᓄᒻᒪᕆᐅᓕᕈᑎᒃ ᕿᑲᕈᑎᑦᓴᓂᒃ ᓄᐊᑦᓯᓂᖅ, ᓂᕿᓂᒃ ᐅᓯᔭᐅᑎᑦᓯᒍᑏᑦ, ᖃᖓᑦᑕᐅᑏᑦ, ᐃᓅᒐᓯᐊᕐᓂᒧᑦ ᐊᑮᑦ, ᐱᓇᓱᐊᕐᓂᒥᓗ ᒪᓕᒐᖃᑦᓯᐊᓱᑎᒃ. ᑮᓇᐅᑦᔭᓵᖏᑦ ᐱᒋᐊᕐᓂᓕᐅᑎᖃᓲᑦ $27.61-ᓂᒃ ᑫᕙᓪᓚᒍᓯᑕᒫᑦ ᐱᓇᓱᓕᓂᐅᒍᓂ ᐅᓄᕐᓂᓴᐅᒐᔭᕐᑐᖅ.

* ᖃᐅᔨᒪᒋᑦᓯ ᐱᓇᓱᒐᕐᑖᕋᓱᑦᑐᑦ ᑎᒃᑯᐊᑕᐅᔪᑦ ᐊᐱᕐᓱᑕᐅᓂᕐᒧᒃ ᑭᓯᐊᓂ ᐅᖄᓚᕕᐅᓛᕐᒪᑕ.