ᐱᐅᓕᓂᐊᒉᑦ ᑭᓯᑕᐅᒍᑎᖏᓐᓂᒃ ᐊᓪᓚᑎ

status: ᐱᓇᓱᒐᖅ ᐊᑕᔪᒥᒃ (35 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᑦ)
Departement: ᓂᐅᕕᕐᕕᒃ ᑎᑭᓭᕕᒃ
Direct supervisor: ᐱᐅᓕᓂᐊᒉᑦ ᐊᐅᓚᑕᐅᒍᑎᖏᓐᓂᒃ ᐊᑕᐅᑦᓯᑰᕐᑎᓯᔨ
Location: Akulivik
Starting date: ᑐᑭᑖᕈᑎᐅᒋᐊᓕᒃ

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᐃᓂᖃᕐᑎᓯᑦᓯᐊᓲᖑᕗᑦ, ᐊᑦᑕᓇᖕᖏᑐᓂᒃ ᐊᑭᑐᔫᒐᑎᓪᓗ ᐃᓪᓗᓂᒃ ᐃᓄᑐᐃᓐᓀᑦ ᑭᖕᖒᒪᒋᔭᖏᓐᓂᒃ ᐃᓗᕐᖁᓯᕐᒥᒍᓪᓗ ᑭᖕᖒᒪᒋᔭᖏᓐᓂᒃ. ᐱᓇᓱᐊᕐᑎᓯᒍᑎᒥᑎᒍᑦ ᐱᒍᑦᔨᒍᑎᒥᑎᒍᓪᓗ, ᐱᕈᕐᐸᓕᐊᑎᑦᓯᖃᑎᐅᔪᑦ ᕿᑦᑌᖓᔮᑦᓯᐊᑐᓂᒃ, ᓄᖑᑦᑕᖏᑦᑐᓂᒃ ᐊᑦᑕᓇᖕᖏᑐᓂᒃ ᓄᓇᓕᖃᕐᓂᒥᒃ.

ᐱᓇᓱᐊᕆᐊᓕᖏᑦ ᑲᒪᒋᒋᐊᓕᖏᓪᓗ

ᐊᖓᔪᕐᖄᖃᕐᓗᓂ ᐱᐅᓕᓂᐊᒉᑦ ᑭᓯᑕᐅᒍᑎᖏᓐᓂᒃ ᑐᑭᒧᐊᑦᑎᓯᔨᒥᒃ, ᐱᐅᓕᓂᐊᒉᑦ ᑭᓯᑕᐅᒍᑎᖏᓐᓂᒃ ᐊᓪᓚᑎ ᐃᓂᓪᓚᖓᒍᓯᕐᓂᒃ ᐱᓇᓱᐊᕐᑕᐅᔪᓂᓪᓗ ᐱᖁᑎᓕᕆᓂᕐᒧᑦ, ᐱᐅᒃᑯᑎᓄᑦ ᓴᓂᕐᕓᓯᒪᕕᓐᓄᓗ ᐊᐅᓚᑕᐅᒍᑎᖏᓐᓂᒃ ᑲᒪᒋᔭᖃᕋᔭᕐᑐᖅ ᖃᐅᔨᓴᕐᑎᐅᓗᓂᓗ ᑭᓯᑕᐅᔪᓂᒃ ᐱᐅᓕᓂᐊᒐᕐᓂᒃ ᐱᐅᒃᑯᑎᓂᓪᓗ ᓄᓇᓕᓕᒫᓂ.

  • ᐃᓂᓪᓚᖓᑎᑦᓯᓯᐊᕐᓂᖅ, ᓴᓗᒪᑦᓯᐊᓂᖅ ᓯᖁᒥᓯᒪᔪᕐᓂᐊᑏᑦ ᓱᓇᒐᓚᖃᐅᑎᖏᓐᓂ ᓱᓇᒐᓚᖃᐅᑏᓪᓗ ᓯᓚᑖᖏᓐᓂ ᓄᓇᓕᓕᒫᓂ ᐃᓂᓪᓚᖓᐅᓯᐅᒋᐊᓖᑦ ᒪᓕᓪᓗᒋᑦ;
  • ᓱᓇᒐᓚᖃᐅᑎᓃᑦᑐᓕᒫᓂᒃ ᐊᓯᐅᒌᒃᑯᓯᕐᑐᐃᓯᒪᓗᓂ ᐱᐅᓕᓂᐊᒐᕐᓂᒃ ᐱᐅᒃᑯᑎᓂᓪᓗ;
  • ᓇᓗᓀᒃᑯᑌᑦ ᐊᓯᑦᔨᑕᕐᓂᖏᓪᓗ ᐱᐅᓕᓂᐊᒉᑦ ᐱᐅᒃᑯᑏᓪᓗ;
  • ᓄᓇᓕᓐᓂ ᐊᐅᓪᓚᑎᑕᐅᔪᑦ ᑎᑭᑦᑐᓗ ᖃᐅᔨᒪᒐᓱᐊᑦᓯᐊᓗᒋᑦ ᑎᑭᓵᖑᔪᕕᓃᓪᓗ ᑎᑭᑦᓯᐊᒪᖔᑕ ᖃᐅᔨᒪᓇᓱᐊᕐᓗᓂ;
  • ᑭᓯᑕᐅᒍᑎᓕᒫᓂᒃ ᖃᕆᑕᐅᔭᒨᔦᓗᓂ;
  • ᐱᓇᓱᑦᑎᓂᒃ ᑐᓴᐅᒪᑎᑦᓯᓯᐊᕐᓗᓂ ᓄᓇᓕᓐᓂ ᑭᓯᑕᐊᒍᑎᐅᔪᓂᒃ ᖃᐅᓕᒪᒐᓱᐊᑦᓯᐊᓗᒋᓪᓗ;
  • ᑎᑭᓭᔨᒥᒃ ᖃᐅᔨᒪᑎᑦᓯᔨᐅᓗᓂ ᓂᐅᕕᐊᕆᔭᐅᔪᕕᓃᑦ ᑎᑭᑎᑕᐅᒻᒣᑑᑉᐸᑕ;
  • ᐱᖁᔭᓂᒃ, ᒪᓕᒐᕐᓂᒃ ᐱᓇᓱᒍᓯᕐᓂᓗ ᐊᑐᕐᑕᐅᑎᑦᓯᓯᐊᕐᓗᓂ ᓱᒃᑯᓇᕐᑑᒍᓐᓇᑐᓄᑦ ᐱᐅᓕᓂᐊᒐᕐᓄᑦ ᐊᒻᒪᓗ ᐱᓇᓱᐊᕐᕕᐅᔪᒥ ᐊᑦᑕᓇᕐᑐᒦᑎᑦᓯᑌᓕᒍᑎᓂᒃ ᐊᑐᕐᑕᐅᑎᑦᓯᓯᐊᕐᓗᓂ;
  • ᐅᓪᓗᖁᑎᖃᕐᑎᓗᒋᑦ ᓇᓪᓕᐅᑎᑦᑕᑐᓂᒃ ᐱᐅᓕᓂᐊᒐᕐᓂᒃ ᐱᐅᒃᑯᑎᓂᓪᓗ ᐱᓇᓱᐊᕐᑕᐅᑎᑦᓯᕙᓪᓗᓂ ᐆᑦᑐᕋᐅᑎᓕᐅᕈᑏᑦ ᒪᓕᓪᓗᒋᑦ;
  • ᐊᕐᕌᒍᑕᒫᑦ ᐱᐅᓕᓂᐊᒐᕐᓂᒃ ᐱᐅᒃᑯᑎᓂᓪᓗ ᑭᓯᑕᐅᑎᑦᓯᕙᓪᓗᓂ ᑐᓴᕐᑎᓯᒍᑎᒋᓗᒋᓪᓗ ᐱᐳᓕᓂᐊᒉᑦ ᑭᓯᑕᐅᒍᑎᖏᓐᓂᒃ ᐊᑕᐅᑦᓯᑰᕐᑎᓯᔨᒧᑦ;
  • ᐅᒥᐊᕐᔪᐊᑯᑦ ᑎᑭᑦᑐᓕᒫᓃᒃ ᓱᕐᖁᐃᓯᑦᓯᐊᓗᓂ ᖃᖓᑦᑕᔫᑎᒎᕐᑐᓂᓪᓗ ᓄᓇᓕᓕᒫᓂ ᐆᑦᑐᕋᐅᑏᑦ ᐸᕐᓇᓯᒪᒍᑏᑦ ᐊᑐᕐᓗᒋᑦ;
  • ᐱᓇᓱᐊᖃᑎᐅᓗᓂ ᐱᓇᓱᐊᖃᑎᕐᓗᓂ ᐱᓇᓱᑦᑎᓂᒃ ᓯᖁᒥᓯᒪᔪᕐᓂᐊᓂᕐᒥ ᓂᐅᕕᕐᓂᒥᓪᓗ ᐱᒍᑦᔨᕕᓐᓂ ᓄᓇᓕᓐᓂᓗ;
  • ᐊᓯᓕᒫᖏᓐᓂᓗ ᐊᖓᔪᕐᖄᖓ ᑎᓕᔨᒍᑎᖏᓐᓂᒃ ᐱᓇᓱᐊᕐᐸᒥᓪᓗᓂ.

ᐱᒍᓐᓇᐅᑎᒋᒋᐊᓕᖏᑦ

ᐱᓇᓱᐊᕐᓯᒪᓂᖓ/ᖃᐅᔨᒪᐅᓯᖏᓪᓗ

  • ᐳᕐᑐᓂᕐᓴᒥ ᐃᓕᓐᓂᐊᕇᕐᓯᒪᓗᓂ
  • ᑭᕝᕙᑲᑦᑕᐅᑎᒥᒃ ᓄᓇᒃᑰᔫᕈᓐᓇᓗᓂ (ᐱᓇᓱᐊᕐᓂᖓᓂᒃ ᐃᑲᔪᕐᓯᒪᒐᔭᕐᑐᖅ)
  • ᑭᕝᕙᑲᑦᑕᐅᑎᒥᒃ ᐊᖁᒍᓐᓇᐅᑎᖃᕐᓗᓂ (ᐃᑲᔪᕐᓯᒐᔭᕐᑐᖅ ᐱᓇᓱᐊᕐᓂᖓᓂᒃ)
  • ᐊᕐᕌᒍᓕᒫᒥ ᐊᕐᕌᒎᓐᓂᓗᓐᓃᑦ ᒪᕐᕉᓂ ᐱᐅᓕᓂᐊᒐᓕᕆᓂᕐᒥᒃ ᐱᓇᓱᐊᕐᓯᒪᓗᓂ (ᐃᑲᔪᕐᓯᒐᔭᕐᑐᖅ ᐱᓇᓱᐊᕐᓂᖓᓂᒃ);
  • ᐱᓇᓱᐊᕐᓂᑯᑦ ᖃᐅᔨᒪᓗᓂ ᖃᕆᑕᐅᔭᕈᑎᓂᒃ WHMIS (ᐃᑲᔪᕐᓯᒐᔭᕐᑐᖅ ᐱᓇᓱᐊᕐᓂᖓᓂᒃ);
  • ᖃᕆᑕᐅᔭᕈᑎᓂᒃ Microsoft Office programs ᖃᐅᔨᒪᑦᓯᐊᓗᓂ;
  • ᐊᖁᒍᓐᓇᐅᑎᖃᕐᓗᓂ;
  • ᒪᕐᕉᓂᒃ ᐅᖃᐅᓰᓐᓂᒃ ᐅᖄᒍᓐᓇᓗᓂ ᐱᖓᓲᒻᒪᑕ ᓄᓇᕕᒻᒥ ᐅᖃᐅᓰᑦ ᐊᑐᕐᑕᐅᓲᑦ (ᐃᓄᒃᑎᑐᑦ, ᒍᐃᒍᐃᑎᑐᑦ ᖃᓪᓗᓈᑎᑐᓪᓘᓃᑦ)

(ᐊᓯᖏᑦ ᐱᒋᐅᕐᓴᓯᒪᔭᖏᑦ ᐱᓇᓱᐊᕐᓯᒪᔭᖏᓪᓗ ᐃᓱᒪᒋᔭᐅᒐᔭᕐᒥᔪᑦ.)

ᐊᑐᕈᓐᓇᕆᐊᓕᖏᑦ 

  • ᐃᓂᓪᓚᖓᑦᓯᐊᓗᓂ;
  • ᓯᕗᓪᓕᐅᔭᐅᒋᐊᓕᓐᓂᒃ ᑲᒪᒍᓐᓇᓗᓂ;
  • ᐊᒥᓱᓂᒃ ᐱᓇᓱᐊᖃᑎᖃᑦᓯᐊᕈᓐᓇᓗᓂ;
  • ᓄᓇᕕᒻᒥ ᐊᕐᕕᑕᖃᑦᑕᕈᓐᓇᓗᓂ ᓄᓇᓕᓐᓄᑦ 14-ᓄᑦ;
  • 50-ᓄᑦ ᐅᖁᒣᓐᓂᓄᑦ ᑎᑭᑦᑐᓂᒃ ᑭᕝᕙᑲᑌᒍᓐᓇᓗᓂ;
  • ᐱᓇᓱᐊᖃᑦᑕᕋᔭᕐᑐᖅ ᐃᓪᓘᑉ ᐃᓗᐊᓂ ᓯᓚᑖᓂᓗ.

ᑮᓇᐅᑦᔭᓵᖏᑦ / ᐱᕙᓪᓕᖁᑎᖏᓪᓗ

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᑮᓇᐅᑦᔭᓵᖃᕐᑎᓯᑦᓯᐊᓲᑦ, ᐱᕙᓪᓕᖁᑎᓂᓪᓗ ᐱᓇᓱᐊᕐᓂᒥᓗ ᒪᓕᒐᖃᑦᓯᐊᓱᑎᒃ. ᑮᓇᐅᑦᔭᓵᖏᑦ ᐱᒋᐊᕐᓂᓕᐅᑎᖃᓲᑦ $23.00-ᓂᒃ ᑫᕙᓪᓚᒍᓯᑕᒫᑦ ᐱᓇᓱᓕᓂᐅᒍᓂ ᐅᓄᕐᓂᓴᐅᒐᔭᕐᑐᖅ.

*ᖃᐅᔨᒪᔭᐅᒋᐊᓕᒃ ᐱᓇᓱᒐᕐᑖᕋᓱᐊᕐᑐᓂ ᓇᓪᓕᑳᔭᐅᔪᑦ ᑭᓯᐊᓂ ᖃᐅᔨᑦᓴᕈᕐᕕᐅᓛᕐᑐᑦ.