ᖃᓄᐃᑦᑑᓂᖓ

ᒪᓕᑦᓱᒋᑦ ᑯᐯᒻᒥ ᐃᓪᓗᓕᕆᓂᕐᒧᑦ ᐱᖁᔦᑦ (ᑯᐯᑉ ᑲᕙᒪᖓᑕ ᐃᓪᓗᓕᕆᔨᖏᑦᑕ), ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔩᑦ ᓴᕐᕿᑎᑕᐅᓯᒪᔪᑦ ᑐᑦᓯᕋᐅᑎᓕᐅᕐᑐᕕᓂᐅᑎᓪᓗᒍ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ. ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᓯᕗᓪᓕᐸᐅᑦᓱᓂ ᓄᓇᓕᓕᒫᑎᒍᑦ ᐃᓪᓗᓕᕆᓂᕐᒥᒃ ᐱᓇᓱᐊᕐᑕᖃᕐᑐᖅ.

220-ᓂᒃ ᐱᓇᓱᑦᑎᖃᕐᓱᓂ, 75%-ᖏᑦ ᐃᓄᑐᐃᓐᓀᑦ, ᐱᓇᓱᐊᒻᒪᕆᑉᐸᑐᒍᑦ ᐊᑦᑕᓇᖕᖏᑐᒥᒃ ᐃᓂᑦᓯᐊᖑᓂᕐᓴᓂᒃ ᐃᓂᖃᕐᑎᓯᒐᓱᐊᕐᓱᑕ ᐊᑦᑕᑐᔨᐊᑦᑎᓂᒃ. ᑏᓯᒻᐱᕆ 2021-ᒥ, ᐃᓪᓗᖁᑎᖃᓕᓚᐅᔪᖅ 3,626-ᓂᒃ.

98%

de la population du Nunavik est logée grâce à l'Office Municipal d'habitation de Kativik

 

ᑎᓕᔭᐅᒪᐅᑎᖓ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐃᓪᓗᓕᕆᔨᖏᑦ ᑎᓕᔭᐅᓯᒪᒍᑎᖃᕐᑐᑦ ᓂᐅᕕᕐᓗᑎᒃ, ᐊᐅᓚᑦᓯᔨᐅᓗᑎᒃ ᓯᖁᒥᓯᒪᔪᕐᓂᐊᑎᐅᓗᑎᓪᓗ ᐊᑭᑭᑦᑑᑎᓪᓗᒋᑦ ᐊᑦᑕᑐᕐᑕᐅᖃᑦᑕᓂᐊᕐᑐᓂᒃ ᐃᓚᒌᓄᑦ 14-ᓂ ᓄᓇᓕᓐᓂ ᑲᑎᕕᐅᑉ ᓄᓇᖁᑎᖓᓂ.

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᑎᓕᔭᐅᓯᒪᐅᑎᖓ ᐊᑦᑕᓇᖕᖏᑐᓂ, ᐃᓱᐊᕐᑐᓂᒃ ᐃᓂᖃᕐᑎᓯᑎᑦᓯᓂᕐᒥᒃ ᐊᑦᑕᑐᔨᐊᒥᓂᒃ ᑭᖕᖑᒪᒋᔭᖏᓐᓄᑦ ᓈᒻᒪᓈᕐᑐᓂᒃ.

ᑲᑎᖕᖓᔨᖏᑦ

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᐊᐅᓚᑕᐅᓲᑦ ᑲᑎᖕᖓᔨᒥᓄᑦ.

ᑲᑎᖕᖓᔩᑦ ᑎᓕᔭᐅᓯᒪᐅᑎᖓᓂᒃ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐊᑑᑎᔭᐅᑎᑦᓯᓯᐊᕐᓂᒥᒃ ᐱᓇᓱᐊᕐᑕᖃᕐᑐᑦ ᐱᑦᓯᐊᕈᓐᓇᕕᓕᒫᖓᓄᑦ ᐊᑑᑎᑎᑦᓯᐊᕋᓱᐊᕐᓱᒍ ᒪᓕᑦᓱᒋᓪᓗ ᑯᐯᑉ ᑲᕙᒪᖓᑕ ᐃᓪᓗᓕᕆᔨᖏᑦᑕ ᑎᓕᔭᐅᓯᒪᐅᑎᖏᑦ. ᑎᓕᔭᐅᓯᒪᒍᑎᖃᓪᓚᕆᑦᓱᓂ ᓄᓇᕕᒻᒥᐅᓂᒃ ᐃᓪᓗᖃᕐᑎᓯᓂᕐᒥᒃ.

ᑲᑎᖕᖓᔩᑦ ᐱᓇᓱᐊᕆᐊᓕᖏᑦ ᐅᑯᐊᖑᔪᑦ:

  • ᐱᖕᖑᑎᑦᓯᓗᑎᒃ ᓯᐊᒻᒪᑎᓪᓗᒍᓗ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᓯᕗᓂᑦᓴᖃᕈᑎᖓ ᐃᓪᓗᓕᕆᓂᕐᒥᒃ
  • ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐊᐅᓚᑕᐅᓂᖓᓂᒃ ᐊᐅᓚᑦᓯᓯᐊᕐᓗᑎᒃ
  • ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᓯᕗᓂᑦᓴᓕᐅᕐᓂᖓᓄᑦ ᐃᓚᐅᑦᓯᐊᓗᑎᒃ
  • ᓄᓇᓕᒻᒥᐅᓂᒃ ᐱᑐᖃᑎᖃᕐᓗᑎᒃ

ᑲᑎᖕᖓᔩᑦ ᓯᑕᒪᐅᔪᖕᖏᒐᕐᑐᑦ 7, ᐊᑐᓂᑦ ᓂᕈᐊᕐᑕᐅᓯᒪᓲᖑᑦᓱᑎᒃ ᐊᕐᕌᒍᓂ ᐱᖓᓱᓂ 3:

  • ᐱᖓᓱᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᑎᓕᔭᐅᓯᒪᔪᑦ
  • ᒪᕐᕉᒃ ᓂᕈᐊᕐᑕᐅᓯᒪᔫᒃ ᐃᓪᓗᓂᒃ ᐊᑦᑕᑐᐊᖃᕐᑐᓂᑦ
  • ᒪᕐᕈᒋᐊᓪᓛᓗ ᑎᓕᔭᐅᓯᒪᔫᒃ ᓄᓇᓕᓕᕆᓂᕐᒥ ᓄᓇᐅᓪᓗ ᐊᑐᕐᑕᐅᓂᖓᓄᑦ ᑐᕐᖃᑕᕐᕕᒥᑦ.

ᒫᓐᓇᐅᑎᓪᓗᒍ ᑲᑎᖕᖓᔨᐅᔪᑦ:

ᓵᒥ ᑕᖕᑲᓐ ᐊᖓᔪᕐᖄᖅ ᒪᑭᑉᐸᓕᐊᒐᓱᐊᕐᓂᖅ
ᑯᓘᑦ ᑳᑦᐳᐊ ᐊᖓᔪᕐᖄᑉ ᑐᖓᓕᖓ ᐃᓪᓗᖁᑎᑦᑎᓂᒃ ᐊᑦᑕᑐᐊᖃᕐᑐᖅ
ᕆᑦᓱᑦ ᔫᓐᔅ ᐊᓪᓚᑎ-ᑮᓇᐅᔭᓕᕆᔨ ᒪᑭᑉᐸᓕᐊᒐᓱᐊᕐᓂᖅ
ᑳᓓ ᑐᓗᒐᖅ ᑲᑎᖕᖓᔨ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ
ᕉᑕ ᑯᑭ ᑲᑎᖕᖓᔨ ᐃᓪᓗᖁᑎᑦᑎᓂᒃ ᐊᑦᑕᑐᐊᖃᕐᑐᖅ
ᔮᓇᓯ ᖃᓴᓪᓗᐊᖅ ᑲᑎᖕᖓᔨ ᐃᓪᓗᖁᑎᑦᑎᓂᒃ ᐊᑦᑕᑐᐊᖃᕐᑐᖅ
ᑲᔅᑏᓇ ᓯᓅᐹ ᑲᑎᖕᖓᔨ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ

 

ᐃᓂᓪᓚᖓᐅᓯᖓ

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐃᓂᓪᓚᖓᓂᖓ

organigramme inu

ᓄᓇᓕᓐᓂ ᐃᓪᓗᓕᕆᔩᑦ

ᓄᓇᓕᓐᓂ ᐃᓪᓗᓕᕆᔩᑦ ᑎᓕᔭᐅᓯᒪᒍᑎᖃᕐᑐᑦ ᐊᑦᑕᑐᕈᒪᒍᑎᓂᒃ ᕿᒥᕐᕈᔨᐅᑦᓱᑎᒃ ᐃᒣᓕᖓᒐᔭᕐᖂᒫᕈᑎᓕᐅᕐᑎᐅᓱᑎᓪᓗ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐱᑦᔪᔭᐅᔪᑦ ᐱᒍᑦᔭᐅᕕᖓᓄᑦ ᓯᕗᓂᕐᒥ ᐊᑦᑕᑐᕋᔭᕐᑐᓂᒃ. ᑲᑎᖕᖓᔩᑦ ᐃᒣᓕᖓᒐᔭᕐᖂᒫᕈᑎᖃᕈᓐᓇᒥᔪᑦ ᓄᓇᓕᒻᒥᓂ ᐃᓪᓗᓕᕆᓂᕐᒥᒃ ᐱᐅᓯᒋᐊᕐᑕᐅᖁᔨᒍᑎᒥᓂᒃ.

ᑲᑎᖕᖓᔩᑦ ᑲᑎᖃᑦᑕᓲᑦ ᑕᕐᕿᑕᒫᑦ ᐱᐅᓯᐅᖕᖏᑐᑎᒍᓪᓗ ᐊᑑᑎᔪᖃᓕᑐᐊᕐᒪᑦ ᐊᕐᕌᒍᑕᒫᑦ ᓯᑕᒪᐅᔪᕐᑐᕕᑦᓱᑎᒃ ᑲᑎᓲᑦ ᐃᑭᓐᓂᐸᐅᑎᓪᓗᒍ.

ᓂᕈᐊᕐᓂᖃᓲᑦ ᑕᓪᓕᒪᓂᒃ ᑲᑎᒪᔨᐅᓂᐊᕐᑐᓂᒃ ᐊᕐᕌᒎᒃ ᒪᕐᕈᑕᒫᑦ ᐅᑭᐊᒥ. ᐊᑦᑕᑐᐊᖃᕐᑐᓂ ᐱᖓᓱᑦ ᓂᕈᐊᕐᑕᐅᓲᑦ ᓄᓇᓕᐅᓪᓗ ᑲᕙᒫᐱᖓ ᒪᕐᕉᓂᒃ ᑎᒃᑯᐊᓯᓲᖑᑦᓱᓂ ᓄᓇᓕᒻᒥᓂ ᐃᓪᓗᓕᕆᔨᓂ ᑲᑎᖕᖓᔨᐅᓂᐊᕐᑐᓂᒃ. ᓄᓇᓕᐅᑉ ᑲᕙᒫᐱᖓ ᑎᒃᑯᐊᓯᖕᖏᑐᐊᕐᒪᑦ, ᒪᕐᕈᒋᐊᓪᓛᓂᒃ ᐊᑦᑕᑐᐊᖃᕐᑐᓂᒃ ᐱᓯᒪᔫᓐᓂᒃ ᓂᕈᐊᓲᑦ.