ᐱᑦᔪᔭᐅᔪᑦ ᐱᒍᑦᔭᐅᕕᖓ

ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐊᓪᓚᕕᒻᒪᕆᖓ ᑰᒃᔪᐊᒦᑦᑐᖅ. ᐱᑦᔪᔭᐅᔪᑦ ᐱᒍᑦᔭᐅᕕᖓ ᑭᒡᒐᑐᕐᑎᖃᕐᑐᖅ ᓄᓇᓕᓐᓂ 14-ᓂ ᓄᓇᕕᒻᒥ. ᐊᑐᓂᑦ ᐃᓪᓗᓕᕆᔨᒃᑯᓂ ᑲᒪᔨᒻᒪᕆᖃᕐᓱᑎᒃ.

ᑖᒃᑯᐊ ᐱᓇᓱᑦᑏᑦ ᐊᑦᑕᑐᐊᖃᕐᑐᓂᒃ ᐱᒍᑦᔨᔨᐅᔪᑦ ᒪᑯᓂᖓᓗ:

• ᐃᓪᓗᐃᑦ ᐊᒡᒍᑕᐅᒍᑎᖏᓐᓂᒃ ᐃᒣᓕᖓᒐᔭᕐᖂᒫᕐᑎᐅᔪᑦ (ᐃᓪᓗᓕᕆᔨᒃᑯᑦ ᑲᑎᖕᖓᔨᖏᑦ ᐃᓚᐅᑎᓪᓗᒋᑦ)
• ᐊᑦᑕᑐᕈᑎᓂᒃ ᐊᓪᓚᖁᑎᖏᓐᓂᓗ ᐊᑎᓕᐅᕐᑎᐅᔪᑦ
• ᐊᑦᑕᑐᐊᖃᕐᑐᑦ ᐊᑦᑕᑐᕈᑎᖏᑦᑕ ᐊᑭᑭᓪᓕᒋᐊᕈᑎᖏᓐᓂᒃ ᑕᑕᕐᓭᔨᐅᔪᑦ
• ᐊᑦᑕᑐᐊᖃᕐᑐᓄᑦ ᐊᑭᓕᕐᑐᐃᕕᐅᓲᑦ ᓄᓇᓕᒻᒥᓂ ᐃᓪᓗᓕᕆᔨᒃᑯᓂ
• ᓴᓇᔭᐅᒋᐊᓕᓐᓂᒃ ᐊᓪᓚᖁᑎᓕᐅᕐᑎᐅᔪᑦ ᐊᕐᖁᑎᒋᔭᐅᓲᖑᑦᓱᑎᓪᓗ ᐊᑦᑕᑐᐊᖃᕐᑐᓄᑦ ᓴᓇᔨᓄᓪᓗ
• ᑭᐅᒪᔨᐅᔪᑦ ᐊᑦᑕᑐᐊᖃᕐᑐᑦ ᐊᐱᕆᐅᑎᖏᓐᓂᒃ ᑐᑦᓯᕋᐅᑎᖏᓐᓂᓗ
• ᑐᓴᐅᒪᑎᑦᓯᔨᐅᔪᑦ ᐊᑦᑕᑐᐊᖃᕐᑐᓂᒃ ᐃᓪᓗᓕᕆᓂᐅᑉ ᐱᖁᔭᖏᓐᓂᒃ, ᐊᑭᑭᓪᓕᑎᕆᐅᑎᐅᒍᓐᓇᑐᓂᒃ, ᐱᓂᐊᕐᓂᐅᔪᓂᒃ, ᐱᓕᐅᑎᓂᐅᔪᓂᒃ, ᐊᓯᖏᓐᓂᓗ
• ᐃᓪᓗᐃᑦ ᓄᑕᐅᓯᓕᕐᑕᐅᓂᖏᓐᓂ ᐊᑦᑕᑐᐊᖃᕐᑐᓂᒃ ᓅᓯᒪᑎᑦᓯᑫᓐᓇᓲᑦ
• ᓄᑕᐅᓯᓕᕐᑎᕆᔪᖃᓕᕐᒪᑦ ᓴᓇᔨᓄᑦ ᐊᑦᑕᑐᐊᖃᕐᑐᓄᓪᓗ ᑐᓴᐅᒪᑎᑦᓯᔨᒋᔭᐅᔪᖅ
• ᓄᓇᓕᒻᒥ ᐃᓪᓗᓕᕆᔨᒃᑯᑦ ᑲᑎᒪᓕᕐᒪᑕ ᐃᓚᐅᖃᑦᑕᓲᑦ

ᐊᓪᓚᕕᒻᒪᕆᒃ ᑰᒃᔪᐊᒦᑦᑐᖅ:

• ᐊᖓᔪᕐᖄᕆᔭᐅᔪᑦ ᓴᐳᒻᒥᔨᐅᑦᓱᑎᓪᓗ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐱᓇᓱᑦᑎᖏᓐᓂᒃ ᓄᓇᓕᓐᓂ 14-ᓂ
• ᓄᓇᕕᓕᒫᒥ ᐃᓪᓗᑖᕈᒪᒍᑎᓄᑦ ᑐᑦᑕᕕᐅᔪᑦ
• ᐃᓪᓗᓂᒃ ᐊᒡᒍᐃᔨᐅᔪᑦ (ᐃᑲᔪᕐᑎᓗᒋᑦ ᓄᓇᓕᒻᒥ ᐃᓪᓗᓕᕆᔨᒃᑯᑦ ᑲᑎᖕᖓᔨᖏᑦ)
• ᐊᐅᓚᑦᓯᔨᐅᔪᑦ, ᒪᓂᔨᒍᑎᓕᐅᕐᑎᐅᔪᑦ ᐊᖏᕐᑎᐅᓱᑎᓪᓗ ᐊᑦᑕᑐᕈᑎᓂᒃ, ᐊᑭᓖᒍᑎᓂᒃ, ᐊᑦᑕᑐᕈᑏᑦ ᐊᑭᑭᓪᓕᑎᕐᑕᐅᒍᑎᖏᓐᓂᒃ ᑮᓇᐅᑦᔭᓵᑎᒍᓪᓗ ᐃᓚᖕᖏᐊᑎᕐᑕᐅᒍᑎᓂᒃ ᓄᓇᓕᓐᓂ 14-ᓂ
• ᓇᓗᓇᕐᓂᐹᖏᓐᓂᒃ ᐊᑦᑕᑐᐊᖃᕐᑐᑦ ᑐᑦᓯᕋᐅᑎᖏᓐᓂᒃ ᑲᒪᔨᐅᔪᑦ
• ᑐᑭᒧᐊᑦᑎᓯᔨᐅᔪᑦ 14-ᓂ ᓄᓇᓕᓐᓂ ᐃᓪᓗᐃᑦ ᓄᑕᐅᓯᓕᕐᑕᐅᓂᖏᓐᓂᒃ
• ᐊᑦᑕᑐᐊᖃᕐᑐᑦ ᐃᓱᐃᓪᓕᐅᕈᑎᖏᓐᓂᒃ ᑲᒪᔨᐅᔪᑦ
• ᐊᑭᓕᕐᑐᐃᒍᑎᓂᒃ ᓄᐊᑦᓯᔨᐅᔪᑦ (ᐃᓚᐅᑎᓪᓗᒋᑦ ᐃᓪᓗᓕᕆᔨᒃᑯᑦ)