ᐊᑦᑕᑐᕈᑎᓂᒃ ᐊᑭᓖᓂᖅ

1) ᐊᑦᑕᑐᐊᖃᕐᑐᖅ ᐊᑦᑕᑐᕈᑎᒥᓂᒃ ᐊᒥᓱᐃᑎᒍᑦ ᐊᑭᓕᕐᑐᐃᒍᓐᓇᕕᖃᕐᑐᖅ:

  • ᑮᓇᐅᔭᑦᓴᔭᒧᑦ
  • ᓯᒃᑭᑖᐱᒻᒧᑦ ᑮᓇᐅᔭᒃᑯᕕᖃᕈᑎᒧᑦ
  • ᓯᒃᑭᑖᐱᒻᒧᑦ ᐊᑭᓕᑦᓴᑖᕈᑎᒧᑦ
  • ᑮᓇᐅᔭᑐᐃᓐᓇᒧᑦ ᐃᓪᓗᓕᕆᔨᒃᑯᑦ ᐊᓪᓚᕕᖓᓂ

2) ᐅᖄᓚᐅᑎᒃᑯᑦ

3) ᖃᕆᑕᐅᔭᒃᑯᑦ ᑮᓇᐅᔭᒃᑯᕕᖃᕈᑎᑎᒍᑦ:

  • ᖃᕆᑕᐅᔭᒃᑯᑦ ᑮᓇᐅᔭᒃᑯᕕᖃᕈᑎᒃᑯᑦ (ᐊᑭᓕᕐᑐᓴᓕᐅᕐᓗᒍ: Kativik Municipal Bureau
  • ᐊᑭᓕᕐᑐᐃᒍᑎᑉᐱᑦ ᓇᓗᓀᒃᑯᑕᖓ ᐃᓚᐅᔫᒍᑏᑦ ᐊᑦᑕᑐᕈᑎᑉᐱᓗᓐᓃᑦ ᑭᓯᑦᓯᒍᑎᖓ
  • ᖃᐅᔨᒪᒋᐊᖃᕐᑐᑎᑦ ᖃᕆᑕᐅᔭᒃᑯᑦ ᑮᓇᐅᔭᒃᑯᕕᑦᑎᒍᑦ ᐊᑭᓖᒍᑎᑎᑦ ᓄᐃᒐᔭᕐᒪᑕ 
 48-ᓂ ᑫᕙᓪᓚᒍᓯᕐᓂ/ᐃᑲᐅᕐᓂᓂ

4) ᑯᐊᐸᒃᑯᑎᒍᑦ ᓄᓇᓕᑦᓯᓂ (ᑰᒃᔪᐊᒥᐅᖕᖏᑐᐃᓐᓇᑐᖅ)

5) ᑮᓇᐅᑦᔭᓵᒥᓂᒃ ᐃᓚᖕᖏᐊᑎᕐᑕᐅᑎᑦᓯᓗᓂ

  • ᑮᓇᐅᑦᔭᓵᒥᒍᑦ ᐃᓚᖕᖏᐊᑎᕐᑕᐅᑎᑦᓯᒍᒪᒍᓂ, ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓂᑦ ᑕᑕᕐᓴᒐᕐᒥᒃ ᐱᑎᑕᐅᖑᓐᓇᑐᖅ ᑕᑕᕐᓴᕇᕈᓂᐅᒃ ᐅᑎᕐᑎᒐᔭᕐᑕᒥᓂᒃ. ᑕᑕᕐᓴᓯᒪᔪᖅ ᐱᓇᓱᕝᕕᖓᓂ ᑮᓇᐅᑦᔭᓵᓕᕆᕕᒻᒧᑦ ᐁᑦᑑᑎᐅᒐᔭᕐᑐᖅ. ᑌᒣᒐᓗᐊᕐᑎᓗᒍ, ᐱᓇᓱᕝᕕᐅᔪᓕᒫᑦ ᑕᒪᑐᒥᖓ ᐊᑑᑎᔭᐅᑎᑦᓯᒍᓐᓇᓲᖑᖕᖏᑐᑦ. ᖃᐅᔨᒪᒋᐊᖃᕐᑐᑎᑦ ᑕᒪᓐᓇ ᐱᓇᓱᐊᕈᓯᕐᓂ ᐊᒥᓱᒐᓚᓐᓂ ᐊᓂᒍᕋᓱᐊᓲᖑᒻᒪᑦ ᐊᑭᓖᒍᑎᕕᓃᑦ ᓄᐃᕚᓪᓗᓚᖓᑦᓱᑎᒃ.

ᑐᑭᓯᑎᑦᓯᒍᑎᒥᒃ ᐊᑐᐊᒐᕐᒥᒃ ᐱᑎᑕᐅᒍᒪᒍᓐᓇᑐᑎᑦ ᐊᑭᓕᕐᑐᐃᒍᓯᕐᓄᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐊᓪᓚᕕᖓᓂᑦ ᓄᓇᓕᑦᓯᓂᑦ ᖃᕆᑕᐅᔭᒃᑯᓘᓐᓃᑦ ᐱᓗᒍ ᐅᕙᖕᖓᑦ (PDF, 1 MB)

 

ᐊᑭᓕᕐᑐᐃᒋᐊᒥᒃ ᐱᔭᕐᓃᓕᐅᓕᕐᓯᒪᔪᑦ

ᐊᑦᑕᑐᕈᑎᑎᓐᓂᒃ ᐊᑭᓕᕐᑐᐃᒋᐊᒥᒃ ᐱᔭᕐᓃᓕᐅᕈᕕᑦ, ᐅᖃᓕᒪᒍᓐᓇᑐᑎᑦ ᐊᖏᖃᑎᒌᒍᑎᐅᓕᐅᖃᑎᐅᓂᐊᕋᕕᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ. ᐋᕐᕿᖃᑎᒌᒍᑎᑦᓴᒥᒃ ᓇᕝᕚᖃᑎᒌᒍᓐᓇᑐᒍᑦ, ᐊᑭᓕᑦᓴᓕᐅᑐᐃᓐᓇᕈᓐᓀᓗᑎᑦ ᓱᒃᑯᓯᐊᕆᒍᓐᓀᓗᒍ.

ᐊᑦᑕᑐᐊᖃᕐᑐᖅ ᐊᑭᓕᕐᑐᐃᖃᔦᕐᐸᑦ (ᐊᑭᓕᑦᓴᖃᓕᕐᐸᑦ), ᐊᓪᓚᖁᑎᑖᕐᑎᑕᐅᓲᑦ ᑯᐯᒻᒥ ᐃᓪᓗᓂᒃ ᐊᑦᑕᑐᐊᖃᕐᑐᑦ ᐊᐅᓚᑦᓯᔨᖏᓐᓄᑦ ᐃᕐᖃᑐᐃᕕᑎᒎᕐᑎᑕᐅᒐᔭᕐᓱᓂ, ᐊᑦᑕᑐᕐᑕᐅᒍᑎᖓ ᐃᓱᓕᑎᑕᐅᓗᓂ ᐊᓂᑎᑕᐅᒐᔭᕐᓱᓂᓗ ᐊᑦᑕᑐᐊᖃᕐᑐᖅ.

  1. ᐃᕐᖃᑐᐃᕕᑎᒍᑦ ᑐᑭᑖᖑᑐᐊᕐᒪᑦ, ᐊᑦᑕᑐᐊᖃᕐᑐᑦ ᐊᓪᓚᑖᕐᑎᑕᐅᖃᑦᑕᕋᔭᕐᑐᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓂᑦ ᐊᑭᓕᑦᓭᔭᖁᔭᐅᓗᓂ ᐊᓂᑎᑕᐅᑦᑌᓕᒍᑎᑦᓴᒥᓂᒃ. ᐊᑦᑕᑐᐊᖃᕐᑐᖅ ᐊᑭᓕᕐᑐᐃᓂᕐᒧᑦ ᐊᖏᖃᑎᒌᒍᑎᓕᐅᖃᑎᐅᑉᐸᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ, ᐃᕐᖃᑐᐃᕕᑎᒎᕐᑎᑕᐅᓂᖓ ᓄᕐᖃᑎᑕᐅᖓᔭᕐᑐᖅ;
  2. ᐊᓪᓚᑖᕐᑎᑕᐅᖃᑦᑕᓗᓂ ᐊᑦᑕᑐᐊᖃᕐᑐᖅ ᑭᐅᖃᑦᑕᖏᑐᐊᕐᐸᑦ ᐊᖏᖃᑎᒌᒍᑎᓕᐅᖃᑎᐅᒐᓂᓗ ᐊᑭᓕᕐᑐᐃᒍᑎᑦᓴᒥᓂᒃ, ᐃᕐᖃᑐᐃᕕᑎᒎᕐᓂᖓ ᑲᔪᓯᒐᔭᕐᑐᖅ ᐊᓂᑎᑕᐅᑐᐃᓐᓇᕆᐊᖃᕐᓱᓂᓗ.
  3. ᐊᓂᑎᑦᓯᔨ ᓄᓇᓕᑦᓯᓄᑦ ᑎᑭᒐᔭᕐᑐᖅ ᐊᓪᓚᑕᕐᓗᓂ ᐊᑦᑕᑐᐊᖃᕐᑐᒧᑦ ᐅᖃᐅᑦᔨᒋᐊᕐᑐᓗᓂ ᐅᓪᓗᓂᒃ ᑕᓪᓕᒪᓂᒃ ᐱᕕᑦᓴᖃᕆᐊᖓᓂᒃ ᐊᓂᓗᓂ. ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐅᑎᕋᔭᕐᑐᖅ ᐊᓂᑎᑕᐅᕕᑦᓴᖓᓂᒃ ᐅᓪᓗᒥᒃ ᐅᖃᐅᑦᔨᒋᐊᕐᑐᓗᓂ.
ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᐊᓂᑎᑦᓯᓲᑦ ᐊᑭᓕᕐᑐᐃᖃᔦᕐᑐᓂᒃ ᐊᓯᖏᓐᓂᓗ ᐱᑦᔪᑎᖃᕐᓱᑎᒃ. ᑌᒣᒐᓗᐊᕐᑎᓗᒍ ᑕᒪᓐᓇ ᐊᑑᑎᓲᖅ ᑭᖑᓪᓕᐹᑦᓯᐊᖑᑦᓱᓂ ᐊᑑᑎᔭᐅᑦᓱᓂ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ. ᐊᓂᑎᑕᐅᔪᖃᓚᐅᕐᑎᓇᒍ ᐊᒥᓱᒐᓚᓐᓂᒃ ᐱᓇᓱᐊᕐᖄᓲᑦ ᐊᑦᑕᑐᐊᖃᕐᑑᑉ ᐊᓂᑎᑕᐅᒌᒃᑯᑎᒋᒍᓐᓇᑕᖏᓐᓂᒃ.