ᐊᑦᑕᑐᐊᖃᕐᑐᖅ ᐃᓱᐃᓪᓕᐅᕈᑎᖃᕈᓂ ᐃᒣᓘᕈᓐᓇᑐᖅ ᑐᓴᕐᑕᐅᖁᔨᒍᓂ ᐅᕙᑦᑎᓄᑦ ᐃᒣᓘᕈᓐᓇᑐᖅ.

ᐊᑦᑕᑐᐊᖃᕐᑐᖅ ᐃᓪᓗᒥᓂᒃ ᐱᓀᓕᑕᖃᕈᓂ:

• ᐊᑦᑕᑐᐊᖃᕐᑐᑦ ᐱᓀᓗᑕᖃᑎᖃᕈᑎᒃ ᐊᑦᑕᑐᐊᖃᖃᑎᒥᓂᒃ, ᐋᕐᕿᖃᑎᒌᒐᓱᐊᕆᐊᓖᑦ. ᐋᕐᕿᖃᑎᒌᒍᓐᓇᖏᒃᑯᑎᒃ ᐃᑲᔪᕐᑕᐅᒍᒪᒋᐊᓖᒃ ᐃᓪᓗᓕᕆᔨᒃᑯᑦ ᑲᒪᔨᒻᒪᕆᖓᓄᑦ.
• ᐊᑦᑕᑐᐊᖃᕐᑐᖅ ᐃᑲᔪᕐᑕᐅᒍᑎᒋᒍᒪᔭᒥᓂᒃ ᐃᑲᔪᕐᑕᐅᖏᒃᑯᓂ ᐱᕕᑦᓴᐅᔪᒥᓗᓐᓃᑦ ᑭᐅᔭᐅᓚᐅᕋᑕᖕᖏᑯᓂ, ᐅᖃᓕᒪᒍᓐᓇᑐᑦ ᐱᑦᔪᔭᐅᔪᑦ ᐱᒍᑦᔭᐅᕕᖓᑕ ᑐᑭᒧᐊᑦᑎᓯᔨᖓᓄᑦ.
• ᑐᑭᒧᐊᑦᑎᓯᔨᐅᑉ ᑭᐅᒍᑎᖓᓂᒃ ᓈᒻᒪᓴᖕᖏᑯᓂ ᐱᕕᑦᓴᐅᔪᒥᓗᓐᓃᑦ ᑭᐅᔭᐅᓚᐅᕋᑕᖕᖏᑯᓂ, ᐅᖃᓕᒪᒍᓐᓇᑐᑦ ᑐᑭᒧᐊᑦᑎᓯᔨᒻᒪᕆᒻᒧᑦ.

ᑐᑭᒧᐊᑦᑎᓯᔨᒻᒪᕆ ᕿᒥᕐᕈᒐᔭᕐᑐᖅ ᖃᐅᔨᒐᓱᐊᕐᓗᓂ ᐊᑦᑕᑐᐊᖃᕐᑐᖅ ᓈᒻᒪᕕᐅᑦᓯᐊᓯᒪᒻᒪᖔᑦ ᐃᓱᒫᓗᒍᑎᖏᓪᓘᓃᑦ ᑲᒪᒋᔭᐅᓯᒪᒻᒪᖔᑕ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ. ᑐᑭᒧᐊᑦᑎᓯᔨᒻᒪᕆᒃ ᐅᖄᕕᐅᒍᓐᓇᑐᖅ ᐅᑯᑎᒎᓇ:

• ᐱᒍᑦᔨᒍᑎᑎᒍᑦ
• ᑐᑭᑖᕈᑎᒃᑯᑦ
• ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐱᓇᓱᑦᑎᖓᒍᑦ

ᐃᓱᐃᓪᓕᐅᕈᑏᑦ ᑭᓇᓕᒫᒃᑯᓄᑦ ᕿᒥᕐᕈᔭᐅᒍᓐᓇᖏᑦᑐᑦ ᓈᒻᒪᑐᒥᓪᓗ ᐱᓇᐊᓱᕐᑕᐅᒐᔭᕐᓱᑎᒃ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᖃᐅᔨᑎᑦᓯᒐᔭᕐᑐᑦ ᐊᑦᑕᑐᐊᖃᕐᑐᒥᒃ.

ᐊᑦᑕᑐᐊᖃᕐᑐᑦ ᑕᑕᕐᓴᒐᕐᑖᕈᓐᓇᑐᑦ ᓄᓇᓕᒻᒥᓂ ᐃᓪᓗᓕᕆᔨᖏᒃᑯᓂᑦ ᐅᕝᕙᓗᓐᓃᑦ ᖃᕆᑕᐅᔭᒃᑯᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᓴᕐᕿᔮᕐᑎᓯᕕᖓᓂᑦ.