ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒥ, ᑕᑯᓚᖓᕗᓯ ᐱᓇᓱᖃᑎᒌᑦᓯᐊᑐᐊᓗᓐᓂᒃ ᐱᑦᓯᐊᕈᒪᔪᓂᒃ ᐃᓄᓐᓂᒃ ᐃᓱᒫᓗᒋᔭᓕᓐᓂᒃ ᐃᓱᕐᕆᒋᐊᖃᕐᓂᖏᓐᓂᒃ ᐊᒻᒪᓗ ᖃᓄᐃᖕᖏᓯᐊᕆᐊᖃᕐᓂᖏᓐᓂᒃ ᐃᓪᓗᒥᒃ ᐊᑦᑕᑐᕐᑐᖁᑎᒥ! ᐅᓪᓗᑐᒫᑦ ᓄᐃᔪᖃᖃᑦᑕᑐᖅ ᓄᑖᓂᒃ ᐆᑦᑐᕋᑦᓴᓂᒃ. ᓴᓇᒋᐊᓪᓛᕆᔩᑦ, ᐱᓪᓗᑯᒋᐊᓕᓕᕆᔩᑦ, ᓄᑕᐅᓯᓕᕐᑎᕆᓂᕐᓂᒃ ᐊᑕᐅᑦᓯᑰᕐᑎᓯᔩᑦ, ᑐᓴᐅᒪᖃᑦᑕᐅᑎᓂᓕᕆᔩᑦ, ᐱᒍᑦᔨᓂᓕᕆᔩᑦ, ᑮᓇᐅᔭᓕᕆᓂᕐᒥ ᑐᑭᒧᐊᑦᑎᓯᔩᑦ, ᑮᓇᐅᑦᔭᓵᓕᕆᓂᕐᒥ ᐱᓪᓗᑯᒋᐊᓕᓕᕆᔩᑦ, ᐃᓘᓐᓇᓕᒫᑕ ᐊᑕᐅᓯᐅᓕᖓᑦᓱᑕ ᐃᓚᒌᒃᑯᒍᑦ ᖁᕕᐊᓱᑦᓱᑕ!
ᐱᓇᓱᕝᕕᖃᕐᓂᖅ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒻᒥᒃ ᐃᒫᒃ ᑐᑭᓕᒃ: ᐱᓇᓱᖃᑎᒌᓐᓂᖅ ᐅᖓᕝᕙᕆᐊᕆᓗᓂ ᐱᔭᖃᕋᓱᐊᕐᓂᒧᑦ ᑐᕌᒐᖏᓐᓂᒃ ᑎᒥᐅᔫᑉ, ᐃᓕᓐᓂᐊᑎᑕᐅᓂᖅ ᑲᔪᓯᔪᒥᒃ, ᐱᓇᓱᐊᖃᑎᖃᕐᓂᖅ ᐊᓯᖏᓐᓂᒃ ᐱᓇᓱᖃᑎᒌᑦᑐᓂᒃ, ᐃᓱᒫᓗᒋᔭᖃᕐᓂᖅ ᐱᓇᓱᐊᑦᓯᐊᕆᐊᖃᕐᓂᒥᒃ ᐊᒻᒪᓗ, ᐳᕐᑐᓂᕐᐹᖅ, ᐃᓪᓕᕆᔭᑦᑎᓂᒃ ᐆᒻᒪᑎᖓᓃᑦᑎᓯᓂᖅ ᑐᑭᑖᑦᑕ. ᐱᓇᓱᐊᕐᓂᐅᒥᔪᖅ ᐱᖓᓱᓂᒃ ᐅᖃᐅᓯᕐᓂᒃ ᐊᑐᕐᓱᓂ (ᖃᓪᓗᓈᑎᑐᑦ, ᐅᐃᒍᐃᑎᑐᑦ ᐃᓄᑦᑎᑐᓪᓗ). ᐊᓪᓛᑦ, ᐅᐱᒍᓱᒃᑯᒍᑦ ᐅᖃᕆᐊᒥᒃ ᑎᒥᐅᔪᖅ ᐱᓇᓱᑦᑎᖃᕆᐊᖓ 80%-ᓂᒃ ᐃᓄᑐᐃᓐᓇᓂᒃ.
ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᐃᒣᑦᑑᕗᖅ... ᐃᓚᒌᑦ ᐊᒥᓱᑦ 225 ᐅᖓᑖᓂ ᐊᒥᓲᓂᖃᕐᓱᑎᒃ ᐱᓇᓱᑦᑏᑦ ᐱᓇᓱᐊᕐᓱᑎᒃ ᑲᑐᑦᔨᕗᑦ ᑖᑦᓱᒥᖓᑦᓭᓇᖅ ᑐᕌᒐᖃᕐᓱᑎᒃ: ᐱᑕᖃᕐᑎᓯᑦᓱᑎᒃ ᐃᓱᕐᕆᓇᕐᑐᓂᒃ ᐊᑦᑕᓇᕐᑐᒦᓐᓇᕋᑎᓪᓗ ᐊᓂᕐᕋᓂᒃ ᓄᓇᕕᒻᒥᐅᓄᑦ
ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᒃ ᐃᒣᑦᑐᖅ... 13 ᓄᓇᓕᓐᓃᑐᑦ ᐊᓪᓚᕖᑦ ᐊᒻᒪᓗ ᐊᓪᓚᕕᒻᒪᕆᒃ ᑰᑦᔪᐊᒦᑦᑐᖅ.
ᐊᓯᑦᔩᒍᒪᕖᑦ ᓄᓇᕐᔪᐊᒥᒃ ᐊᑕᐅᓯᐅᓈᕐᑎᓗᒋᑦ ᐃᓪᓗᐃᑦ? ᐱᓇᓱᓪᓗᑎᑦ ᓄᓇᓖᑦ ᐱᑦᔪᑎᒋᓗᒍ?
ᐃᓚᐅᓕᕆᑦ ᑲᑎᕕᒃ ᓄᓇᓕᓐᓂ ᐃᓪᓗᓕᕆᓂᕐᒧᑦ ᐊᓪᓚᕕᒻᒪᕆᐅᑉ ᐱᓇᓱᖃᑎᒌᑦᑐᖁᑎᑦᓯᐊᕌᓗᖏᓐᓄᑦ!
ᐃᓄᒃᑎᑐᑦ 
Francais 
English