ᐱᓇᓱᐊᖃᑎᒌᓐᓂᖅ ᓄᓇᕕᒻᒥᐅᖑᓂᖅ ᐱᕙᓪᓕᕆᐊᖁᓪᓗᒍ

ᐊᑑᑎᓯᒪᔭᕗᑦ

ᓄᓇᕕᒻᒥ, ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᑲᒪᒋᔭᖃᕆᐊᖃᓲᑦ ᓂᓐᓂᐅᕋᓚᐅᑎᔪᓂᒃ ᐊᓂᕐᕋᓕᓐᓂᒃ, ᐊᑭᑐᔫᖕᖏᑐᓂᒃ ᐃᓪᓗᖃᕐᑎᓯᓂᕐᒥᒃ, ᓯᖁᑦᑎᐊᖃᕐᓂᒥᒃ ᐃᓪᓗᐃᓂᐊᕐᓂᒥᓪᓗ ᓯᖁᒥᓯᒪᔪᕐᓂᐊᓂᕐᒧᓗ ᐱᐅᓕᓂᐊᒐᖃᕆᐊᖃᕐᓂᒥᒃ.

ᐊᕐᕌᒍᑕᒫᑦ, ᑯᐯᑉ ᑲᕙᒪᖓ ᑮᓇᐅᔭᕐᑐᕆᐊᖃᓲᖅ $40 ᒥᓕᐊᓂᒃ ᓄᑕᐅᓯᓕᕐᑎᕆᓗᓂ ᐃᓪᓗᓂᒃ. ᒥᓕᐊᓐᒋᐊᓪᓚᓂᒃ ᑮᓇᐅᔭᕐᑐᒥᑦᓱᓂ ᓯᖁᑦᑎᐊᖑᔪᕕᓂᕐᓂᒃ ᓴᓇᒍᑎᓄᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦᑕ ᐃᓪᓗᖁᑎᖏᓐᓂᒃ ᐱᓇᓱᒍᑎᖏᓐᓂᓗ.

ᐊᑦᑕᑐᐊᖃᕐᑐᓂᒃ ᒪᓕᒐᖃᕐᑎᓯᓂᖅ ᖃᐅᔨᓵᕆᓂᕐᓗ ᐅᕕᒐᕐᑐᓂᒃ ᐃᓅᓯᖃᑦᓯᐊᓂᕐᒥᒃ, ᑲᒪᑦᓯᐊᓂᕐᒥᒃ ᐊᑦᑕᓇᖕᖏᑐᒥᓪᓗ ᐊᕙᑎᖃᕐᓂᒥᒃ ᓯᕗᓪᓕᐸᐅᑦᔭᐅᑎᓪᓗᒍ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ ᐱᓇᓱᒐᑦᓴᖑᕐᓯᒪᔪᖅ.

ᓅᕕᒻᐱᕆ 2011-ᖑᑎᓪᓗᒍ, ᐃᑲᔪᕐᑕᐅᓱᑎᒃ ᑯᐯᒻᒥ ᐃᓪᓗᓕᕆᔨᓄᑦ (ᑯᐯᑉ ᑲᕙᒪᖓᑕ ᐃᓪᓗᓕᕆᔨᖏᓐᓄᑦ), ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᑦ ᐱᒋᐊᕐᑎᓯᓚᐅᕐᓯᒪᔪᑦ ᐱᕙᓪᓕᐊᓂᕐᒥᒃ. ᐃᓄᒃᑎᑐᑦ ᑐᑭᓕᒃ “ᐱᐅᔪᒧᑦ ᐱᕙᓪᓕᕆᐊᕐᓂᒥᒃ”. ᓄᓇᓕᓕᒫᓂ 14-ᓂ ᓄᓇᕕᒻᒥ ᐊᑐᕐᑕᐅᑎᑕᐅᔪᖅ, ᖃᐅᔨᓵᕆᓂᖅ, ᑐᑭᓯᒪᑎᑦᓯᓂᖅ ᒪᓕᒐᖃᕐᓂᓗ ᐱᖓᓱᓂᒃ ᑐᖕᖓᕕᖃᕐᑎᓗᒍ ᐃᓪᓗᖁᑎᒥᓂᒃ ᑲᒪᑦᓯᐊᓂᕐᒧᑦ, ᐱᐅᓕᓂᐊᒐᕐᒥᓂᒃ ᓯᖁᑦᑎᐊᖃᕐᓂᒥᓪᓗ ᐅᕕᒃᑲᓂᒃ ᖃᐅᔨᓵᕆᓂᒃᑯᑦ ᐊᕙᑎᖃᑦᓯᐊᕆᐊᖃᕐᓂᒥᓪᓗ ᐃᓅᓯᖃᕆᐊᖃᕐᓂᒥᒃ ᓄᓇᕕᒻᒥᐅᓄᑦ.

ᐱᕙ”ᓪᓕᐊᓂᖅ ᑐᑭᖃᕐᑐᖅ ᓄᓇᕕᒻᒥ ᐃᓅᕕᖃᑦᓯᐊᓂᕐᒥᒃ!

ᑎᓕᔭᐅᒪᐅᑎᕗᑦ

ᐃᓄᓕᒫᓂᒃ ᐊᐅᓚᒃᑳᕆᓂᐊᕐᓗᑕ ᐃᓪᓗᓕᕆᓂᕐᒥᒃ ᐱᓇᓱᐊᖃᑎᒋᓗᒋᑦ ᐅᐱᒍᓱᓪᓗᑕ ᓄᓇᓕᑦᑎᓂᒃ ᓄᓇᕕᒻᒥ ᑲᒪᒋᔭᖃᑦᓯᐊᓗᑕ.

ᓯᕗᓂᓕᐅᕈᑎᒋᓯᒪᔭᕗᑦ

ᖃᐅᔨᓵᕆᓂᒃᑯᑦ, ᐃᓚᒌᓂᒃ ᑐᑭᓯᒪᑎᑦᓯᓂᒃᑯᑦ ᐅᕕᒃᑲᓂᓪᓗ ᐃᓕᓐᓂᐊᑎᑦᓯᓂᒃᑯᑦ, ᐊᑭᑭᓪᓕᑎᕆᒐᓱᐊᕐᓂᖅ ᐃᓪᓗᕗᑦ ᓯᖁᑦᑎᐊᕆᒍᓐᓀᓗᒋᑦ ᓱᒃᑯᓂᓪᓗ ᐃᓪᓗᖃᕐᑌᓕᓗᑕ ᐱᐅᓕᓂᐊᒐᑦᑎᓂᓪᓗ ᑲᒪᑦᓯᐊᓗᑕ. ᐃᒪᕐᑐᓗᐊᕐᑌᓕᓗᑕ ᓯᖁᑦᑎᐊᖃᕐᑌᓕᓗᑕ ᑮᓇᐅᔦᓪᓗ ᐊᓯᐸᖕᖏᑕᓕᒫᕗᑦ ᐊᒥᐊᒃᑯᓕᒫᕗᑦ ᐃᓪᓗᓕᐅᕆᐊᓪᓚᒍᑎᐅᖃᑦᑕᓂᐊᕐᑎᓗᒋᑦ ᓄᓇᕕᒻᒥ.

ᐱᒻᒪᕆᐅᔪᖁᑎᕗᑦ

ᐱᓂᐊᕐᓂᕋᕐᑐᒍᑦ ᐊᑕᐅᓯᐅᓈᕐᑎᓗᑕ ᓄᓇᓕᑦᑎᓂ ᖃᐅᔨᓵᕆᓂᐊᕐᓗᑕ, ᑲᑐᑦᔨᖃᑎᒌᒍᑎᒋᓗᒍ ᐊᐅᓚᑦᔭᕆᐊᕈᑎᒋᓗᒍ ᓄᓇᕕᒻᒥ.

ᓵᑕᑦᓴᐅᓂᖅ ᓲᓱᑦᓴᓯᐊᕐᓂᑯᑦ, ᐊᑦᑕᑐᐊᒥᓂᓪᓗ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓂᒃ ᑲᒪᒋᔭᖃᑦᓯᐊᓂᖅ ᐊᑭᓕᕐᑐᐃᓯᐊᕐᓂᓗ.

ᐊᑐᓪᓗᐊᑌᓕᓂᖅ ᐃᒪᕐᒥᒃ ᐃᑯᒪᑐᕈᑎᓂᒃ ᑕᕐᕋᐅᓗ ᐊᕙᑎᖓᓂᒃ ᑲᒪᓱᑦᓯᐊᓂᖅ ᐊᑦᑕᓇᕐᒪᑦ ᓱᕋᑦᑎᑌᓕᓗᒍ.

ᓲᓱᑦᓴᓂᒃᑯᑦ ᐱᐅᓕᓂᐊᒐᕐᓂᒃ, ᐃᓄᓐᓂᒃ ᑭᖑᕚᖑᓛᕐᑐᓂᓪᓗ ᑖᒃᑯᓂᖓ ᐃᓪᓗᑖᕆᐊᖃᓛᕐᑐᓂᒃ, ᐱᐅᓕᓂᐊᒐᕐᑕᖏᓐᓂᓗ ᓯᕗᓪᓕᒥᑕ ᐊᑑᑎᔭᕕᓂᖏᓐᓂᒃ ᐊᑐᕆᐊᖃᓛᕐᑐᓂᒃ.

ᑐᓂᔨᓂᖅ ᓯᖁᒥᓯᒪᔪᕐᓂᐊᓂᕐᒥᒃ, ᐱᓇᓱᐊᕐᓯᒪᓂᕐᒥᒃ ᐱᐅᒧᓂᓪᓗ ᐱᕐᖁᓯᕐᓂᒃ ᐅᕕᒃᑲᓄᑦ ᐃᓚᑦᑎᓄᓪᓗ…

ᐊᑐᕐᑕᐅᑎᑦᓯᓂᖅ ᐃᓅᓯᖃᑦᓯᐊᓂᕐᒥᒃ ᓄᓇᕕᒻᒥ.