ᐊᑦᑕᑐᐊᖃᕐᑐᖅ ᐃᓪᓗᒥᓂᒃ ᑕᐅᕐᓰᖃᑎᖃᕈᒪᓗᓂ ᑐᑦᓯᕋᐅᑎᓕᐅᕈᓐᓇᑐᖅ ᐊᑦᑕᑐᐊᖃᕐᒥᔪᒥᒃ ᑕᐅᕐᓰᖃᑎᖃᕐᓗᓂ.

ᐃᓗᕐᖁᓯᕐᒥᑎᒍᑦ ᐃᓚᒌᑦ ᖃᓂᑕᕇᓐᓂᖓ ᓄᓇᓕᐅᓪᓗ ᑕᓯᐅᕐᓯᓂᖓ ᑐᑭᑖᕐᓂᐅᔪᓂ ᐊᑐᕐᓂᖃᓪᓚᕆᑦᑐᖅ, ᐃᓚᖏᑦ ᐃᓱᐊᕆᔭᒥᓄᑦ ᑕᐅᕐᓰᖃᑎᒌᒍᒪᑐᐊᕋᒥᒃ ᐊᖏᖃᑎᒌᓲᖑᒻᒥᔪᑦ. ᑌᒣᒐᓗᐊᕐᑎᓗᒍ, ᑕᐅᕐᓰᓚᕿᒍᑏᑦ ᐃᓪᓗᒥᓂᒃ ᐱᑦᔪᑎᑦᓯᐊᖑᒋᐊᓖᑦ ᐊᖏᕐᑕᐅᓯᒪᓗᑎᒃ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ ᓄᓇᓕᐅᓪᓗ ᐃᓪᓗᓕᕆᓂᕐᒥᒃ ᑲᑎᖕᖓᔨᖏᓐᓄᑦ.

ᐃᓪᓗᒥᓂᒃ ᑕᐅᕐᓰᒍᒪᔪᑦ ᑕᑕᕐᓭᒍᓐᓇᑐᑦ ᓄᓇᓕᒻᒥ ᐃᓪᓗᓕᕆᔨᒃᑯᑦ ᐊᓪᓚᕕᖓᓂᑦ ᑕᑕᕐᓴᒐᕐᑖᓗᑎᒃ. ᑕᑕᕐᓴᑕᐅᓯᒪᓗᓂ ᐅᑎᕐᑎᑕᐅᒋᐊᓕᒃ ᐃᓪᓗᓕᕆᔨᒃᑯᑦ ᑲᒪᔨᒻᒪᕆᖓᑕ ᐱᓇᓱᐊᓯᒐᔭᕐᑕᖓ.

ᑕᐅᕐᓰᒍᑏᑦ ᐊᖏᕐᑕᐅᓯᒪᓪᓚᕆᒋᐊᓖᑦ ᑲᑎᕕᒃ ᓄᓇᓕᓕᒫᑦ ᐃᓪᓗᓕᕆᔨᖏᓐᓄᑦ.